أنا لا بغيت آسج واسلى مع السالين = تعرض لقلبي ما يجدّد معاناته

أنا لا بغيت آسج واسلى مع السالين = تعرض لقلبي ما يجدّد معاناته

السلام عليكم

مساكم / صبحكم الله بالخير

شلونكم فديتكم اول مشاركه لي معكم وقلت ياولد لازم تجيب شي يجملك

وجيت لكم قصيده كفو ومن شاعر كفو وهو الشاعر : إبراهيم بن مريع القحطاني

القصيده قديمه شوي بس قويييييييه ومؤثره

اخليكم مع الابداع

الشيله

وجبت لكم مقطع ثاني مسحوب بس ترا على العود

أنــا لا بغـيـت أســج وأسـلـى مــع السـالـيـن
تـــعـــرض لـقـلــبــي مــــــا يـــجــــدّد مـعــانــاتــه

هــمــومٍ بـقـلـبـي طـاولـتـنـي ثــمـــان سـنــيــن
هــنّـــي الـــــذي لا طـــــرّف الـلــيــل مـاجــاتــه

وأنا في رجا اللـي مـا يخيّـب رجـا الداعيـن
يـــــعــــــدّل زمـــــــــــانٍ كـــــاثــــــراتٍ مـــلـــفـــاتـــه

عرفـنـا مــن الدنـيـا صـديـق القـسـا والـلـيـن
ومصيـر الرجـل يِِبـحـث خـفـاه ونهايـاتـه

ومن سَمْع ما هو مثل من شاف بالثنتين
ولا كـــــل مـــــن يـــــروي تــصـــدق روايــاتـــه

ومعـدن ردي الـسـاس وقــت الـلـزوم يبـيـن
ومـعــدن عــريــب الــجــد تـظـهــر عـلامـاتــه

وسـيــع المـعـرفـه واجــبــه يــرشــد الـغـاويــن
ولا كــــل مـــــن قــصّـــر تـقــصّــر طـويــلاتــه

وعمى عيني الرجال يركض ورى المقفين
يــســوم الـكـرامــه بـالـفـلـس عــنـــد شـمــاتــه

ولا يـثـلــم الــرجّـــال مــثـــل الـفــقــر والــديـــن
ولا تــنــفــع الـمـبــغــوض كـــثــــرة عــلاقــاتـــه

ولا كـل مـن سـولـف وغـنـى يجـيـب الـزيـن
هــــدور الـمـجـالـس مـــــا تـفــيــده دعـايــاتــه

ولا يجرحك مثـل الخطـا مـن طـرف غاليـن
وكـــــلٍ يــجـــي رزقـــــه عـــلـــى قِــــــدّ نــيــاتــه

وراعــا الـوفـا ينـهـج عـلـى منـهـج الوافـيـن
ومـتـصــنّــع الــطــالـــه تــضــيـــع اتـجــاهــاتــه

وأنــا مـنـزلـي عـنــد النـشـامـا يـســر الـعـيـن
وقسـمـي مــع اهــل الطـيـب عـلّـيـت رايـاتــه

هذي ترجمة هجسٍ لفانـي عصـر الاثنيـن
وكــــــل مــــــع هــجــســه يــتــرجـــم مـعــانــاتــه

المصدر: الملتقى الجماهيري للشاعر محمد بن فطيس المري