هــــاذي معاذير النفوس المزكاه ..! - الملتقى الجماهيري للشاعر محمد بن فطيس المري

#1 05-11-2012, 01:27 AM

هب الهوى ياشعيل والليل مسراه
وسعة صدر لهل الجروح العطايب

ماحدني حادي ســـوا حلو طرياه
ولا حال دونه غير كبر المصايب

امشي على ودي ولاأمشي بمشهاه
لو هو لي أغلا من جميع القرايب

والقلب من دونـــه صدورٍ مغطاه
والليل يستر كــــل مخطي وخايب

اببتعد عن جـــــــو ربعي وذكراه
يمكني أرجع خاطري منه طايب

ياثقل دمــــــي كل ماقلت أبنساه
وانا على شانه عملت العجايب

أعيش انــــــــا ويـــــاه ولابلياه
رزقي على منشي حقوق السحايب

هــــاذي معاذير النفوس المزكاه
لو قيل منهو عاش عقب الحبايب

والبعد مــــوتٍ في طريقة ملاقاه
هــاذا ليا قالوا عطيب الضرايب

ياشعيل وبــــــن آدم خفيه نواياه
والراي من روس الرياجيل صايب

يمكني خطاي إني تخيرت فرقاه
على كثر حبه ولاصــرت هايب

أحن له وأشتاق له وآآتباطاه
ويجر لـي طيفه نسيم الهبايب

وأتذكره وأفز لاحــــــل طرياه
واونس بجسمي مثل حرق اللهايب

وأسج رجلي لاطرت لي خطاياه
واسوق شعري مثل سوق الركايب

يمكن يجي يومٍ ويشوفه ويقراه
ويحن للماضي حنين الغوايب

ويعرف بأنه كل هــاذي سواياه
ويستغرب أنه كل ابو هالسبايب

رآآآآآقت لي ,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)