أبدى قصيدي وللأفكار عنواني

أبدى قصيدي وللأفكار عنواني

أبدى قصيدي وللأفكار عنواني = أقدح بنات الْفكر وطرق هجينيّات
ودّي أبعثر حروفي لا بدى شاني = أنحت صخر وقْدَحَ الزْنَاديْ جُمَلْ أبيات
بفنون الشعْري جزيلٍ عذب اللحاني = ألحانها به أشيّدها وجرّ صوات
لامن تذكّرتها ودموع الاحزاني = عبره بخدي جرت في ماضيٍ لا فات
ياشينها من حياة (ن) والزرى جاني = كنّه بسكّينَ يطعنّي ورى طعنات
وآآآنا غريق (ن) بلاني واحدٍ ثاني = همّي وحزني وهوجاسي (وحر) جمرات
جمره كوتني على جاشي وشرياني = وان الزمن فاتح (ن) درسه طبع لذات
أتبع سراب(ن) وسط رمله وشقّاني = مره أهرول على ساقي قدموآهات
حظّي عثربي وصوّب فوقَ الضلْعاني = أصبح هشيم (ن) وصدري له قهر غبنات
حالي برى من كثر صدمات الازماني = وآآقع بمرّه يشينه لا غشى الظلمات
وليل العنى سكّة (ن) تطوي جسر باني = باني بحلمي وضاعة في هبوب الذات
في عالمي أظلمت نور الفرح داني = داني بالنوره وغيّم في كياني بآت
ودّي أحارب قلوب(ن) عاندت شاني = ذمّت شعر قاف أبياتي خبث وآفات
فيهم لعانه وحسّاد(ن) وخبثاني = سود النوايا وخذلاني لهم عيبات
حيل المره هرجها واللسانها فاني = فاني مَنَ الْحقّ ظلّاني تدس حقْدات
حقد (ن) ثبثْ غيضها تسقي بسماني = سمّ (ن) ضعيف (ن) ومفعوله خذل غايات
ناس (ن) دنيّه وهي بالهرْجَ حقراني = والذيب فوق المناعيري دعس سادات
الذيبَ يسري مهمات (ن) وفزعاني = حسّه سمعْ دقّ ناقوس الخطر مرّات
يمشي دروب الخطر ماهابَ ميداني = والمعركه حسمها يصعب على الْقادات
قالو زمان الجهلْ ،، بالوقْت خواني = والوقْت بيّن بالاعدائي لهم غارات
بيّن زماني عدوّي (دسّ ) الاضغاني = بانة (نوايا ) وهم في فعلهم شوفات
أقبس بالنورالشّعر في كلّ ودياني =وآآنا أبرّك معاني الْقافيه أبيات
أبحر وغوصه ونوصل كلّ قيعاني = نوصل مداهَ الْبعيدِ في غوى الْهولات
تبحر سفينه وانا قايد وقبطاني = أمشي بها في بحور(ن) برقها شارات
وآآآنا أحوس المعاني كيف كيفاني = أطرب مزاجي على كيفي بكلْ حالات
أكتب وانا أمْبَراطور (ن) وقوماني = وآآآنا عقيد الكلامي والْأدَبّيات
أثبت وجودي وسابق من تحدّاني = شعر(ن) يمثّل وهو بندق يميني جات
بندق أصوّب وفي حرفه (سهم) حاني = سهم (ن) رميته بعذّالي بحد شفرات
أرمي عدوّي بباروده ونيراني = أبطش وخلّي دمه قاني نثر صيحات
قلبي قسى من كثر هرج (ن) وحدّاني = حدّه بقلبي عميق (ن) هو حفر ويلات

المصدر: الملتقى الجماهيري للشاعر محمد بن فطيس المري

صح لسانك واعتلى شانك
قصيده على الهجيني عذبه
ولاهنت

اقتباس المشاركة الأصلية كتبت بواسطة ماجد الشيباني صح لسانك واعتلى شانك قصيده على الهجيني عذبه ولاهنت

صح بدنك والقصيده على الهجيني الطويل شاكر حضورك .

الله يبعد عنا وعنكم المدسوسين بالشر
والذين ينشرون الحقد بيننا

قصيده جميله اخي ذهل

صح لسانك

[quote=رشيد;379827]الله يبعد عنا وعنكم المدسوسين بالشر
والذين ينشرون الحقد بيننا

قصيده جميله اخي ذهل

صح لسانك[/quo

اللهم امين

صح بدنك يالغالي ..

صح لسانك شاعرنا ذهــــــل اليامي ولا هنت

قصيدة جزله

تحيتي وتقديري

اقتباس المشاركة الأصلية كتبت بواسطة أم عمر صح لسانك شاعرنا ذهــــــل اليامي ولا هنت قصيدة جزله تحيتي وتقديري

صح بدنش ام عمر شاكر ومقدر حضورش .

صح لسانك

صح بدنك وشرفت الحضور