شيء من جنون:أسماء الحمآدي } ..!!

شيء من جنون:أسماء الحمآدي } ..!!

.

..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

أسماء الحمادي
شاعرتي المفضلهـ .!
أحببت أن تكون هي صاحبة
المصافحه الثانيه لي في هذآ القسم
أتمنى ان تروق لكم .!

زعيمهـ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

، ’، فاصلة مُرتجِفة ، ’ ،

مصيبه لا غِدا عندك سؤالٍ يستغيث بـ : يَمْ
إذا اتْهجّى إجاباتٍ تمادتْ تشعِلْ ظْنونه

و أنا عندي جوابٍ ف الحَشا يْدوّر لـِ ثوبه : كُم
يمشّ ابْه الدموع لْيا لقى أسئلته تْخونه !

لو للفَرح ايدينْ ما كان غافلْ
عن دقّ بابِ اللي ايْتريّاه من دهرْ

بعض البشر تضحك على حزْن واصلْ
لانفاسها الحرّى التي اتْنافس الجَمرْ !

سبحان من خلّى الفرح خطّ فاصلْ
ما بين نوبات البكا ، و البكا عمرْ

لَجْل انْتطهّر عاجلٍ غير آجلْ
من ذنب ران فـ غرفةٍ بـ أيسر الصّدرْ

ياما تِحايلنا على ضيق ماثِلْ
بـ ارواحنا ، و اشعارنا ما خِلى شَطر !

بس اللّيال أشطر لو إنّا أوائلْ
منها خذينا درسْ صبرٍ معِه طُهرْ

و الوعْد باجر ... و الزّمن ما يِجاملْ
يالله عسى روحي ايْتشبّث بها عِطرْ..!!

.

..

.

..

.

..

[ سبّورة الأحرار ]

على كثر السّنين اللي مضن من عمرِيَ المِحتارْ
إلى هاليوم ما شفتِ الرّبيع و لا أزاهيره

تِعبت امْن السّفر بين الفصولِ و ما سمعتْ أخبارْ
عن اوْلادة فصِل يِطلقْ من افْوادي عصافيره

و يوم إنّ الأوادمْ ينشدوني عن جفِن مِدرارْ
أقول إنّ الحِزِنْ يِغدرْ إذا ابتسمتْ أساريره !

ترى عيني بها حِزْنٍ عسى يطويلي الأوزارْ
مدام إنّه ضرا يِنهلْ من الدّمع و أغاديره

غريبة أبكي الغربة و أنا في زحمةِ الأخيارْ
و عادي جداً إنّ الهَمّ ياخذني لـْ مشاويره

فـ عزّ القيضْ أستشعرْ بأنّه ما ابْتدى آذارْ
و إذا اشتدّ الشّتا فيني أسطّر لـ الدّفا سيره

يهبّ الضيق في صدرِ الوَرق و السّالفة : ( نوّارْ )
رحلْ عنه النّدى يومه رِمَسْ عن سالفة غيره !

و ( حرفٍ ) لا بغى يكتب ... أدوّر مُوسِده و اعذارْ
و إذا جيته مع الدّفتر يوقّفني بـ طوابيره !

و ( صبحٍ ) منوِته يِشهَقْ جِدَا سبّورة الأحرارْ
و يِظلِمْه الظّلام اللي يِكسّر له طباشيره !

و ( ليلٍ ) لا بغيت أحلم ... شِهر لي سيفه البتّارْ
و راغ النّور من حلمي إلى عتمات تزويره

تباريحي اتّلهّى بي و حلمي ف السّما قد طارْ
و خفّاقي يِلوّح له ... و نبضي ايْهمْسِ لي : خِيره

ألا يا كلّ آهاتِ القوافي ما بقى تذكارْ
يهدهدْ خافقٍ تاهوا عَن ادْروبه مساييره

و زِهدتْ فيه أيامٍ تِخَطْف أحلامه الكبارْ
و أفراحه تأجّلها اللّيالي دون تَبشيره..!!

’، فاصلة مُتضرِّعة ،’ ،

ضاقت منافي وحدتي لين اشتكى منّي القصيدْ
يبغي ايْتنفّس فرحةٍ ضاعتْ مع أنفاسِ الوَرى

ياما زرعت الابتسامة في ثرى وجهٍ عنيدْ
لكنْ حصدت الآهْ اللي ما تِنود لْيا انطرى :

حلم و أمل ، دمعة فرح ، قطرة مطر ، حزنٍ بِعيدْ
ضحكة سطِر ، نزفٍ عطِر ، شطرٍ من آلامه برا

يا ربّ أكرمني بـِ عفوك و انعتاق امْن الجَليدْ
عجّل لِي ابـْ : [ رحلة إلى يثرب و الى أمّ القرى ]

.

..

.

..

و ... قلوبهم خَواء .. !

طفلة و ما شافتْ دِموعِ العاشقينْ
.................. طفلة و ما احترفتْ من الدّنيا سِوى

ضحكٍ يمرجحْ كلّ قلبٍ ما يلينْ
..................... واحضان أمٍ ما شكتْ لحظة نَوى

كبرتْ و ضحكتْ للخلايق و السنينْ
.......................... لكنّ كلّ قلوبهم كانتْ خَوا !

تنفضْ مِخابي قلبها اللي بْها حنينْ
.................... لـ قلوب فيها ورد عمره ما ذوى

عاشتْ يتيمة و اليتِم فيها دفينْ
...................... لكنْ على غفلة تِبرّا و انْزوى !

شهدتْ عليه ادْموعها و الوَجنتينْ
.................... و البردِ و أيام الطفولة و الجوى

ما يدري إن ( شِبْه اليتِم ) أقسى قرينْ
.................. و الآه نعمة ... و القِوافي بْها دِوا

لو كان في قلب الفرح بستان تينْ
................... ما كان مَحجر عينها دمع احتوى

طفلة ... و يتطفّل عليها كلّ حين
................... جرحٍ على الترحال عنها ما نِوى

طفلة و ما شافتْ جنونِ العاشقينْ
............ كبرتْ ... و لين اليوم ما تْعرْف الهوى

كبرتْ ... و كبَّر دفترٍ كلّه ونينْ
................ كلْ يوم به حلمٍ يموت و ما انطوى !
............................ كلْ يوم به حلمٍ يموت و ما انطوى !
........................................ كلْ يوم به حلمٍ يموت و ما انطوى !

: تسجيل هروب :

أخاف امْن الثواني و المواني و الرّدى و البردْ
واخاف إن طحتِ من خوفي تِبدّل هالسّما إسمي

و اخاف امْن الذّنوب اللي تِعيث بـْ هالحنايا وَجدْ
و اخاف اتْزيد عثراتٍ يِضيق بْها صدِر عزمي

و اخاف تْنوح لي ذكرى و لا القى بي دموعِ الوردْ
و اخاف اتْبيعِني ضحكة أريد أنسى بها همّي

و اخاف تْصافح ألحاني مراسيم الجفا و الفقدْ
و دمعي يْصيح في عيني : أنا بالله شو جُرمي ؟!

.

..

لكل من يمر من هنآآآ

.

..

المصدر: الملتقى الجماهيري للشاعر محمد بن فطيس المري