يادمع وجروح المواجع لها ساس - الملتقى الجماهيري للشاعر محمد بن فطيس المري

#1 11-15-2011, 02:21 AM

يادمع وجروح المواجع لها ساس = احرقت خدي وشتكت راحتيني
دامك مزيج آلآم وآمال وحساس =وناتج مشاكل ظلم قلبي لعيني
تبقى ذهب وافعال من خانك نحاس = و العاقبه يادمع لصابريني
على حسب وضعي ولاهوب مقياس = اللي بقول أنت أحسن السيئيني
على الأقل لونك من الوان الألماس = ولا ضاقت الدنيا علي تحتويني
شفني ثلاث سنين وانا ورا الياس =الياس مل وعاد فيني و فيني
فيني على طردت سراب الأمل باس = الحزن خلفي و الألم يحتريني
البارحه والناس ماكنها الناس = وحتى الشوارع شكلها ماتبيني
دورتلي في مجلس (الحلم) مجلاس = وتاه النظر من كثرت الجالسيني
فيه اختلط همس المشاعر والانفاس = ووجيه تشكيلي وهي تشتكيني
والظاهر إن (كليب) لو طاع (جساس) = ماعرف (أبو ليلي) ولا (الأربعيني)
أهم شي ان المشاكل لها راس = وراس المشاكل قولتي : (سامحيني)
ليه اطلبك وانا ليا هب نسناس = وقفت تمنع باردة لا يجيني
ليه أرقبك وانت السبب و الزمن قاس = والظلم مايرضاه عقلي و ديني
يعني ثلاث سنين ناشد و عساس = أدورك بالمملكة و انت فيني
تخيل إني لابس حزنك الباس =من غير حزني وانتكاسة سنيني
والله لو حطيت ماحس في كاس = إن تنتفض من شيلتيله يديني
اما شربته زود حيرة و هوجاس = ولا نثرته بعد بينك وبيني
واخر كلامي زبدة الهرج نبراس =واقع كلام جدودنا الاوليني
كلمة بغيرها كذا بين الأقواس= ياليتنا من (حبنا) سالميني
ولا دموعي فالحقيقه لها ساس = ناتج مشاكل ضلم قلبي لعيني

هنا للاستماع.

المصدر: الملتقى الجماهيري للشاعر محمد بن فطيس المري

11-15-2011, 03:53 AM

الله عليييك راجح صح لسااانك قصيده جدا مميزه شااعر متميز ومتمكن ربي يعطيييك

العافيــه ..
لك ودي واحتراامي ++تقييمي ..

11-15-2011, 05:58 AM

ابداع ×ابداع
انتقائك رائع
تسلم الانامل المبدعه
دمت بود

الاوسمة · 11-15-2011, 09:34 AM

ابداااع
في ابداااع
من جد انت رائع

وكلمااات قمه
صح لسانك
تستاهل التقيم

الاوسمة · 11-15-2011, 11:06 AM

ياليتنـا مـن (حبنـا) سالميـنـي

الله عليك خالطت شطر البصري الوضيحي الشمري مع قصيدتك ياراجح
صح السانك وبيض الله وجهك على النص الكبير في معناه
تحياي وشكري لك بنتظار جديدك هع

11-15-2011, 11:58 AM

يعطيــــــــك الــعافيه

على القصيــــــده مره جزله

تقبــل مــروري

اخوك هرج الغلا

11-15-2011, 09:23 PM

الله الله عليك وصح الله السانك وكما عرفناك من ابداع في ابداع قصيده رائعه كروعتك
ودي وتقديري

11-15-2011, 09:34 PM

الله الله ياراجح مبدع ومميز للغايه تكفى لاتحرمنى من الجديد والدرر يالغلا وصح لسانك
تقبل مروري اخوك موسى ابومشهورالصايغ

11-17-2011, 05:47 PM

شكرا لمروركم على موضوعي وهذا شرف لي ووسام على صدري

11-17-2011, 06:38 PM

صح الله لسسسسسسسانك يالممميز صوت والقااااء وقصيد

شاعر فحل استمر ولا تحرمنا الجديد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)