ردة من قريب وحاجة منقضيه

ردة من قريب وحاجة منقضيه

بسم الله الرحمن الرحيم

السلام عليكم ورحمة الله وبركاته

ها انا اعود اليكم بعد غياب طال واعدكم بالتواصل ولكن ليس المستمر

وها انا اتيت اليكم بقصيده جديده املا ان تحوز على اعجابكم

ولن اتواصل معكم بستمرار فارجو ان لا تتغير نظرتكم لي وامل ان ابقى في قلوبكم

جميعا

القصيده داهمتني معى حلم وخيال=والفكر بحروفي الفارعه قمت اصخره
كل ما عينت للعشق في قلبي مجال=قام قلبي يلعن الحب مدري يقبره
يا حبيبي طال عمرك على ناصر تعال= ناصر اقفى طول ليله ودمعه ينثره
قلبي اللي فالحنايا على الوصل استمال= وانت باقي تجرح القلب مدري تقهره
والله ان لولاك تاتي معى عتم الليال=كان يمدي عمري من العنى جاك اخبره
انت كوكب في سما القلب وحجاجك هلال=والعيون انوار برق بغرامك ممطره
لا تعذب من بحبك تولاه الهبال=لين صار بعين من يعرفونه مسخره
لو عرف مجنون ليلى بحبي كان قال=الله يعين المعذب على من حبره
صوتي اللي غته البعد قد هد الجبال=والحنين اللي بجوفي ضميري سوره
ويش تسوى حبة الخال لا بان اختلال=فوق وجنه بالجمال الطبيعي مسفره
ساقني هم المحبه معى ضيم الرجال=صوب هم ورث جروح فيني مثمره
لو يسام الحب بجنيه والا بالريال=كان يمدي فقرت العالم المتبختره
والا انا مسكين ما في الضمير الا سؤال=مات ما عين جوابه وحلمه دمره
استقى من وحي ربي مضامين الجدال=وانتزع من سلطة الكون نبره مبحره
وابتى يمزج خيال الاناقه والدلال=في فتاة شلت العمر واقفت باكثره
انتحل جسمي وحالي نحل والصبر طال=والعظم مكسور ما حصل اللي يجبره
في حياتي طحت طيحه على جرفٍ هيال=طحت في وادي من الحب ما فيه شجره
قاعته رمضى وجوه سموم بلا وصال=والضمى يذبح شرايين فيه معمره
ناصر اللي عاش عمره موقر لا يزال=يلعن سنين المحبه ومن هو حبره

المصدر: الملتقى الجماهيري للشاعر محمد بن فطيس المري

صح لسااانك
اول مره اقرا لك لكن بجد صح لساانك/تقبل الود

الله الله الله صح لسااانك يا أبو هاشم واعتلا شااانك
قصيدة جزله و لا يعلى عليهاااا

::
ياهلآ وغلآ بـ ناصر
لك وحششه يارجل..والله فقدناك وإشتقنا لـ جزل قصيدك

(ألف حمدلله على سلامتك)
وصح لسانك مليوُن ..وبدون مجامله أبدعت يالغالي وكـل بيت كان عن قصيده

لاهنت واتمنى مايستمر غيابك علينا~

الشريف ابيات جزله من واحد جزل الله يقويك

تحياتي لك وانتظر جديدك

مررت

تحياتي لك وقصيده في منتهى الذوق
وتسلم يمناك

ناصر اللي عاش عمره موقر لا يزال=يلعن سنين المحبه ومن هو حبره

يآهلآ ومرحبآ يـ أخوي ناصر عوده قويه بهالنص الجزل
ولازآل للابدآع بقيه ,,ننتظرهآ .

تحيآآآآتي وتقديري.

صح لسانك ياناصر

قصيده جزله من شاعر جزل

لاعدمنا جديدك

تحياتي

وعليكم السلام .. يامرحبا ..

صح الله لسانك وتسلم ع القصيده الجزله

صح الله السانك واعتلى شانك قصيده رائعه كروعتك مبدع دائما وشاعر جزل ومافيك حيله

ودي وتقديري