وشوشي بذني

وشوشي بذني

و شوشي بذني و قوليلي احبك ادخليني جو ثاني في الغرام
قلتها و اقولها من زود حبك في غيابك ماهتنت عيني المنام

من محبك من محبك من محبك لا يروح بعيد تفكيرك حرام
لو تغيب اربع دقايق دق قلبك مثل ما قلبي يدق جاك الكلام

اسعد ايام العمر لاعشت قربك و اتعس سنين العمر بعدك تمام
في المحبه و الهوى و الله يحبك قلبي العاشق متيم مستهام

قلت لك مرة ابي سلمك و حربك واعرف ان الحرب مايخلق سلام
جيت اصفق لك غلا من شان طربك يوم قلتيها ا نجلا وجه الظلام

شعرموسى ابومشهورالصايغ

المصدر: الملتقى الجماهيري للشاعر محمد بن فطيس المري

اخوي موسى صح لسانك قبل كل شي ,, ابيات حلوه واكيد عندك الاحسن

واذا كنت تبي الافضل ، لازم تستخدم المحسنات البديعيه من جناس وتشبيه واستعارات ..
لان القصيده اذا كانت بوزن وقافيه بدون المحسنات تسمي " مجرد نظم " ،، اما اذا احتوت المحسنات هنا تسمى " شعر "

انت اللي كتبته شعر , وجدنا انك استخدمت الاستعاره لكن بشكل غير كافي من المحسنات ,,
سجلني من متابعينك وان شاءالله انشوف لك الافضل والاقوى

صح لسانك اخوي مشهور شاعر جميل ويحسب لك بما تحتويه هالقصيده من جماليات

ولاهان اخوي حمد على التعقيب الاكثر من رائع

ولكن عندي ملاحظه بسيطه


لو تغيب اربع دقايق دق قلبك ... مثل ما قلبي يدق جاك الكلام ... <-- بسأل اخوي حمد عن هالشطر وملاحظاته



وفيه بعد من محبك من محبك من محبك <-- حشوو زائد .. كان من الافضل للشاعر انه يستغل هالشطر فالتعبير بصور افضل

انا ما انتقد الشاعر ولكن ابحث عن المصلحه وباذن الله تستفيد وتفيد اخوي مشهور

والله لايهينك اخوي حمد على تعقيباتك الرائعه

صح لسانك على الابيات الجميله

وعندك الافضل

صح لسآآآآنك ويعطيك العافيه
بانتظار جدييدك.

تحيآآآآتي.