يكفي مواجع ,,

يكفي مواجع ,,

السلام عليكم
أخواني الاعزاء كل عام وأنتم بخير
بين الأيدي هذه المتواضعه ترتقي بكم ,,,,,

ألا ياوقت ما يكفي مواجع=سنين(ن) حرها بالحيل فاجع
شربت أمرارها من صغر سني=وأنا ما أعلنت عن حلمي تراجع
ألين العمر ما عدا قطاره=تلاشى وأبتعد ماهو براجع
ألا ياوقت يكفي اللي مضالي=ترا من الفجر من فيضتك ناجع
بسج خطاي وأسلى وااتناسا=مع الورقى إذا قامت تساجع
أفضفض وأشتكي عمري لعمري=لحزن(ن) في رياض القلب هاجع
ألا ياللي من أسبابك همومي=لا شفت الخط وأبكتك المواجع
كفكف دمعتك ولا تحـرا=من إنسان(ن) عقد ماهو براجع

/
/
علي العطوي

المصدر: الملتقى الجماهيري للشاعر محمد بن فطيس المري

::

أخوي علي العطوي

ونعم فيك..وصح آلله لسانك

قصيده مُعبره..وبدايه جداً متألقه


احييكِ على هـ الحضوُر المميز

لاهنت..
وننتظر منك المزيد

اخوي علي العطوي ، صح الله لسانك على هالابيات وبدايه موفقه

قصيدة هذي على بحر الصخري , ومصرّع المطلع ,, يعني قافية الصدر والعجز في اول بيت متشابهه ,, واذا اختلفن تكون غير مصرعه ،، ويجوز تكتب كذا او كذا ,, ويجوز تثبت على قافيتين للصدر والعجز في البحر الصخري

ألا ياوقـت مـا يكفـي مواجـع

سنين(ن) حرها بالحيـل فاجـع

ولا بد من الملاحظات والتي تحتمل الخطا قبل الصواب ..

البيت الاخير اللي يقول

كفكـف دمعـتـك ولا تـحـرا

فيه كسر ,, وان شاءالله الاخوان يفيدونك اكثر مني ,,

وهذا لا يلغي جماليه ما كتبت واكيد عندك الافضل وننتظر جديدك .. واتمنى تتقبل نقدي بكل رحابة صدر

ترا من الفجر مـن فيضتـك ناجـع

هلا بالشاعر عليي


شاعر ممتاز وما مثلهم شعراء الشمال

بالنسبه للشطر اللي كتبته اتمنى تراجع واتمنى الشاعر حمد يعلق عليه اذا رجع مره ثانيه


بالتوفيق لك اخي العزيز شاعر متميز

صح لسانك واعتلى شانك

ننتظر منك المزيد وعندك الأفضل

تقبل مروري

ألله يحيي الجميع واشكركم على الترحيب ,, تحية لجميع الاخوان
صحيح كلامك بحر الصخري لك فيه حرية الاختيار في قافية الصدر بغيتها متشابهه او ما مختلفة
وبالنسبة للتعليق على البيت اللي قبل الاخير بالنسبة لي ما اشوف فيه شي حسب اللحن اللي مشيت القصيدة عليه ولا يمنع من وجود خلل واذا أمكن شاعرنا حمد السبيعي او شعرائنا الافاضل التوضيح !!
لم نكتب إلا للإستفادة نفيد ونستفيد (( صدر الشمالي وسيع يركضن الهجن فيه ))
تحيتي وتقديري لك من مر من هنـــا,,,,

الشاعر علي العطوي

شكرا لرحابة صدرك

بالنسبة لملاحظة الشاعر حمد السبيعي

انا اشوف انها صايبة

يعني مثلا لو كان البيت ( فكفكف دمعتك ولا تحرّى ) يستقيم الوزن

هذا مجرد مثل ولا انت تقدر تعالجه بطريقه افضل من طريقتي .


وبالنسبة لملاحظة اخوي سلطان المري

انا اشوف الوزن سليم

مع احترامي وتقديري لآراء الجميع

الشاعر او اي شخص ما في مجال ما ويحب يطور نفسه لابد يتقبل النقد البناء ,,

واحنا نقدنا لك ,, لانك واحد مننا ونبي لك الافضل .. بالنسبه لملاحظه اخوي سلطان في البيت

ترا من الفجر من فيضتك ناجع ,, سليمه ومافيه شي ,, لانها تنقرا ترى " امن " الفجر من فيضتك ناجع

ومثل ما قال اخوي قاصد " وانا خابر وعارف انه فاهم في القصيد ومتذوق له " الكسر في كلمة " كفكف "
وناقصه حرف لـ يستقيم ...
هذا ما عندي ونسال الله التوفيق للكل

قاصد كريم ,,, حمد السبيعي

ملاحظتكم صارت واضحه وشكرا لكم على التنويه ,,,

أحترامي وتقديري ,,,,

ارحب ارحب بالصدور الشماليه بكل صدق
قصيدتك رائعه واعجبتني وكل شاعر له
نظرته تقبل الاخر اوابا والكل يسعا للااحسن
وانت أهل لهذا وصح لسانك اخوك موسى ابومشهور