حيــاك عطنـا علومــــك

السلام عليكم ورحمة الله


علومنا الحمد لله بخير والجو بررررد شوي

















.

اليوم وقع المحظووووور على قولتهم

صحيت من النوم الظهر نشيط ونفسيه منفتحه للشغل

رحت لقيت امي تسمع الراديو على اذاعة القرآن الكريم

سلمت عليها قالت ماشاءالله عليك اليوم صاحي من بدري وانا ( ) كني ماسمعت حاجه

هاه في شغل اليوم ؟ قالت رح لف السمبوسه ( ياهالسمبوسه اللي ماتخلص )

المهم لقيت المقادير جاهزه بس قعدت الف السمبوسه

وانا قاعد الف فتحت شريط الذكريات الجميله

ايام الطفوله يوم كنت آكل اللقيمات وهي حاره قبل تبرد

العصر كنا نلعب كوره برمضان وكل شوي يروح واحد لبيتهم ويجيب لقيمات طازه

كان الوقت شتاء وامطار ووناسه .

واذا بالصوت القادم من بعيييييييييد

صوت قطع شريط الذكريات الجميله وكسر الصمت

صوت أعرفه جيدا ؟ نعم انه صوت تردد على مسامعي مرارا .

واذا به صوت امي وهي تقول ( اخلص علينا غابت الشمس !!!

ياااااااه الوقت مر بسرعه .

المهم اخذت السمبوسه وعلى المطبخ طوالي عشان اقليها

طبعا الزيت حار وحطيت اول مجموعه ( يازين مثلثاتي وش حلاتها ) خمس حبات تقريبا

كلهم انفكوا بالزيت

وانا احركهم بالملعقه ولما ارفعها يكون فيها رواسب من الحشو اللي مالي الزيت .

فأضطر اني اروح اغسلها وارجع ألمّ الشوائب مره ثانيه عشان ماتشوفها

المهم لما حطيت الملعقه بالزيت وكانت مبلوله بالما وش اللي حصل ؟

طشّر الزيت بوجهي ( يعني اندفع بقوة نحوي ) وانا اللي أهج عنه .

قالت امي وش هالصوت ؟

قلت صوت الزيت .

قالت وش سويت فيه ؟

قلت ماسويت فيه شي بس هو مايحبني

جت المطبخ وشافت كول حاجه .

قالت : انت من اللي يحبك ؟!!!

اطلع برا المطبخ ولا اشوف وجهك الا مع الأذان .

قلت خلني أروح اتسمع الاذان احسن

وهذا اللي حصل .

^^الحمد لله ع السلامه بس ..ككككككك
علوومي سلامتكم جميييع ..
ودي بالنوم غير ماوده بي حاولت انام وحاولت غير عيّا ماجاني (مافيه حيييله)
فحبيت اسلم عليكم واسير ع الملتقى وبس !!

صباح الخير ياهل المحل

حياكم الله

علووووومنا علووووووم الخير

السلام عليكم ورحمه الله وبركاته


مبروك عليكم رمضان بعد الزحمه >>>>توها تستوعب


قاصد هههه الحمدالله على السلامه

ياليت عندي اخوان منك 2 بس اشهد انك مثل يحتذى فيه >>متوعب عليها

وايه كيف حالكم وش اخباركم وش مسووين مع الصوووم ان شاء الله سهالات ...

علومي ابشركم اعتمرت ذي السنه وللمعلوميه هاذي اول مره اعتمر >>ماصدقت اشوف الكعبه
ويا الله انك تقبل عمرتنا وتعفا عننا احس اني ملخبطه بلعمره معليه هاذي اول مره وانشاءالله كل سنه في مكه ونحج ذي السنه


وسلامتكم ........


القهوه يولد >>>نست الصوم


الا سوال اللي يبي ينام وهو صايم وشو يسوووووي >>ماخذه هم الفطور اليوم

قاصد يسعد قلبك .... بصراحة الجزء الثالث غير....
دخلت جووووووووووووووووووووووووووووووو<<<< خصوصا حبل الذكريات اللي قصه صوت امك الله يكتب لها الصحة والعافية دائما يارب وكل امهات المسلمين........
بصراحة مبدع ......
سجلني متابع وانتظر الجزء الرابع......
......
أهلا بكم يا (يابري حالي ) نسخة عربي ونسخة انقليزي...... يسعد قلوبكم وحنا طيبين .... وابشرو بالنوم بس خلو الفمتو في الليل واشربو لبن.......
تحيااااااااااااااااااااتي.....
شاسع صباح النووووووووور يالغالي......
ابو ليلى يالمهلهل حياك وعلومك واحنا بخير ياوجه الخير....

هلا ومرحبا والله ..

انا بخير الحمدالله وانشالله انتو بعد بخير ..

حمدالله ع سلامتك قااااصد وبصراااحه كل يوم ادخل عشااان اقرا مغامرااااات قااااصد والمطبخ

الله يعطيك العافيه يااارب ...

واذا ماتبي السمبوسه تفك منك في القلي بعد ماتلفها خل جنبك شوي دقيق وفيه مويه وكل وحده قفلها بالدقيق ..

ههههههههههههههههه

اشكركم ع التفاعل والنصايح ههههههه

فرح الله يخلي لك امك تسلم اخوي

علومي علوم اليوم !!!!

أعلمكم فيها بعد الفاصل هههههههه
















.

مراحب شباب

والله فاقدين أعضاء كثير مع رمضان

يعني كلهم راحوا لمكة ؟!!!

على طاري العمرة ليش الناس يعتمرون برمضان كثير ؟!!

يعني اذاأهل مكة عادي يعتمرون مافي مشقة عليهم أو حتى اهل جدة والمناطق القريبه من مكه

لكن فيه ناس يجون من مناطق بعيدة ومنهم من يجي من خارج الحدود ومنهم من يجي من آخر الدنيا

زي موسكو مثلا .

الله يكتب لهم الأجر ان شاءالله ويثيبهم على المشقة .

بس انا اشوف ان العمرة في رمضان سارت زي الحج سفر وزحمة ومشقة

اضف الى ذلك انك تعطل فريضة على شان تؤدي أمر مستحب

تفطر برمضان كم يوم رايح جاي مسافر وتعب

طيب العمرة بأي وقت تأديها مش شرط برمضان

وبكذا تكون صمت الشهر كله وجنبت نفسك والمسلمين المشقة

وديننا الحنيف دين يسر

( وجهة نظر ) حبيت أطرحها بين يديكم


وشكرا