|[ حوآر على مآئده الافطآر .. ضيفنآ آلخآمس .. " الشآعر محمد المري " .!

اقتباس المشاركة الأصلية كتبت بواسطة آلريم آللعـوب ي مرحبـآ ي المـري تفضـل هالاسئله * من من الشعـراء القدمـآء يستهوي ذائقتـك ؟ * وش أقرب قصآيدك لقلبـك ؟ والسموحه

والبقى يالريم ودام فضلش


الشاعر ابن زويبن احب قصاايده وابن سبيل ومحمد القاضي


والله اقربها قصيده قديمه شوي بس مابعد سبق لها النشر بعطيش مطلعها

اي والله ان حبك سبا معلوووقي ..... بين الكفوف الناعمه تلعب به

لولا غلاتك ما ذبحني شووقي ..... تذبحني الاشواق وانت السبه

احن لك واشتاق لك واتوقي ..... توق النداوي يوم عااف الشّبه




يعطيش العافيه على ذوووق الحضووور

اقتباس المشاركة الأصلية كتبت بواسطة الهــــــــوى حيآآآآك الله يامحمد ,سعداء بهذه الاستضافه شاعر مميز وقصائده لها نكه خاصه . كيف تعرفت على الملتقى على اثر دعوه ام بحث ؟ اقرب قصائد بو حمد لقلبك ؟ ماهي هوآيات محمد ؟ والى ماذا يطمح ؟ ولاعليك امر نبي بيتين تنشط فيها قسم المحاوره وتمتعنا . اذا سمح لي الوقت لي عوده بالمزيد . تحيآآآآآآتي .

يامرحبا والله والله يرفع قدرش يالهوى وهذا من ذوووقش وشهادتش فخر واعتزاز



لا والله عرفني عليه حبي واعجابي الشديد بمحمد بن حمد انا كنت من الزوار لهذا المنتدى وباستمرار وكانت فكرة التسجيل عندي من زمان بس ما ساعدني الوقت
الا قريب واحمد الله الي اتاح لي الفرصه للتعرف عليكم والتواجد بينكم فكلكم ونعم المعرفه والله اني صادق لامن شباب ولا من بنات من اول ما جيت وانا حسيت نفسي بين اخواني واخواتي الله يجمعنا على العز والمعزه


اقرب قصايد ابو حمد والله انه هو بروحه قريب من قلبي الله يستر عليه

بس انا صراحه ذبحتني قصيدة ( الهوى الغربي) والحدريه بعد موووووت



ابشري والله بسعدش بس انا ذالحين ما عاد اشوف ورااي دووام بس انشاء الله مالش الا
طيبة الخاطر


انا انسان بري احب البر بجميع حالاته احب المكشات هواتي المضله هي الطلعات والرحلات


والله الطموحات واجده يالهوى ولكن خليها على الله ( ما كل ما يتمناه المرء يدركه تجري الرياح بما لا تشتهي السفن )


الله يحقق لكل شخص مبتغاه في غير معصية الله



مشكوووره على الحضور الرااقي


وااسسسف على التاخير واعتذر منش ومن جميع الاعضاء ومن صاحبة الموضوع

محمد المري
الله يعطيك العآفيه ولاهنت
وشكراً لكل من توآجد هِنآ

الموضوع مغلق

يعطيك العافية محمد ولك الشكر اختي سلطانه
كان ودي اني لحقت
لكن اهم شي المحبة والغلا والعذر والسموحة على التاخير

مرحبا مليووون اخوي فهد القحطاني

والله الشرف لي طال عمرك وتواجدك يكفي يالغالي