معايده

معايده

من معاني حروف الشوق جبت القصيده=يوم كلا تقدم بالتهاني وعايد

تهنيه جبتها والقلب هنا وريده=يوم ساد الفرح والطيب فالناس زايد

والنصيحه تغذي كل نفس بليده=لو غشاها من التنكيل هم ونكايد

عيد ربي وربي ما تناسا عبيده=كيف ننسى بعضنا يا رجال العوايد

عايد الشايب اللي طاح ثم قبل ايده=واوصل ارحامك وخل الهدايا جدايد

لو حياتك معى العالم حياة رغيده=خل فيك التواضع يا ابن الاجواد سايد

والعدو لا تصد ان بان توك بعيده=دام ذي وهبة الله خلها لك فوايد

والتواصل معى اهل المنتدى في قصيده=جبتها للعموم وبدع الابيات نايد

المصدر: الملتقى الجماهيري للشاعر محمد بن فطيس المري

الله الله ياناصرر


شرف كوني اول من يرد عليك

صح لسانك مدد لا عدد


وشهادتي فيك مجروحه كالعاده


لاحرمنا نبض حرفك


ولا خلا ولا عدم

اخوك
ابو مشاري

لاااا هنت أخوي وسلمت أناملك الراااااااائعه

مشاء الله عليك ناصر

في وقتها وسلمت يمناك

وربي يحفظك قصيده منتهى الروعه

لاهنت وسلمت يمناك

صح الله لسانك يا ناصر الشريف


والله لا يهينك على المعايده والابيات الجميله


لاهنت يالغالي

صح لسآنك أخوي ناصر الشريف

وعيدالله عليكم مبارك

تحيتي

صح الله لسانك
ويعطيك ربي العافيه

الاخوه الاعزاء

ابو مشاري

ويوسف السعيد

ومحمد الوريكي

ومحمد المري

ونوير

وشامان المري

اشكركم جميعا على المرور كل واحد بسمه

ولا هنتو جميع وعاده الله علينا وعليكم

بالخير والبركه

تحياتي وخالص تقديري

صصح لسسسآنك
أبدعت بححق
وعيدك مبآآآآرك

الاخت ترف صح بدنك

وتسلمين على المرور

الله يبارك فيك وعساك من عواده