عطني وعد

عطني وعد

ياتسدل الغـــطوة و ياتقفل الباب
اختر مـــــن الثنتين لك شي واحد
عينين لواوصف وخدين واهداب
وثغـــــرعليـــها شدنــي شد واجد

ابلشتنا الله يــــجازيك الاسبــاب
واسهرت عيـني وانت هاني وراقد
والله وثم والله يا تلع الارقـــاب
مــــــن شوفتك ناديت بندر مساعد

لنك سلبت العقل مـــن كل الالباب
وخليــتني مــــحتار واقـف و قاعد
وهالحين لاغطوة ولا اظن هالباب
عطـــني وعد واصدق معي بالتواعد


(((شعرموسى ابومشهورالصايغ)))

المصدر: الملتقى الجماهيري للشاعر محمد بن فطيس المري

صـ ح ح ح إلسانك

تحياااااتي

هلا وغلا بكل ترحيب ومحبه وشكرا حبيبي على مرورك العذب

ابيات جميله يابو مشهور تشكر عليها .. لكن فيه ملاحظه بسيطه ياليت لو تتقبلها بصدر رحب وهي انك لم تتوفق بربط البيت الاول مع الثاني لأنك تخير المحبوب بشيئين في البيت الاول وفي البيت الثاني قمت بوصف هذا المحبوب وكأنك فصلت فكرة البيت الاول عن البيت الثاني ولو وضعت بين البيت الاول والبيت الثاني بيت يقوم بربطهما كي تتسلسل القصيده بشكل جميل .. ارجوا انها وصلت الفكره .. ابو مشهور انت شاعر مبدع ولك نصوص جميله ومنها هذا النص .. لك جل احترامي


ارجوا تعديل كلمة اختار الى اختر في العجز من البيت الاول

مشكور خوي على التبيه وبيض الله وجهك على كل ملاحظة تفيدني واستفيد منها
مستقبلا ان شاء الله تعالى وهاانا وضعت اختر بدل اختارولاهنت يااميرالشريف

سلمت اخوي موسى
واهنيك على سعة صدرك
وقصيده جميله
لاهنت اخوي

عطني وعد موضوع جميل وفكرة الأبيات اجمل يابعدهم

صح السانك وانتظر المزيد يا يا يا ابو مشهور

تحياي وشكري لك

الاخ موسى بن مشهور

يحلق في سماء الابداع مجددا

شاعر عملاق ينظم الينا

صح لسانك حتى ترضى صور جميله

واسلوب مميز تقبل تحياتي ابو مشهور

الله يسلمك ويطول عمرك على كلامك الجميل يامحمد تراني
متعود على النقد واتعمد بعض الطرق لكي افيد واستفيد
ممن لهم باع طويل في تلك الميادين والشعراء الكبار
مثل امير الشريف قدوة لكل شاعرمبتدي يتفهمه ويفهمه
والا انا حقيقه حقيقه استعجلت في اخراجها بلا مراجعه
كعادتي ايام ماكنت انشر قصائدي عبرالصفحات الشعبيه
مجلة المجالس والنهضه واليقظه وبروز وعفوا على الاطاله

خوي الشاعر مبارك الشمري مرورك رائع وشرواكم ياشمامرة شعراء عمالقه
ولهم دور في انتقى الكلام العذب والقصيدة لاباس بها كفكرة احببت ان اوصلها
للمتلقي الكريم شاعرن اوقاري والتوجيه من الاستاذ امير الشريف يعطيني
جرعه للاابداع صدقني صدقني اخوك موسى ابومشهور تحياتي