القيض راح

القيض راح

بسم الله الرحمن الرحيم

السلام عليكم ورحمة الله وبركاتة

الكل منا يعرف الصقار والشاعر الكبير / بدر بن عواد الحويفي الحربي فلا يحتاج الى مقدمات لتعريف به

اليكم القصيده

القيـض راح وبـردن الليـالـي..........والطير عقب القرنسة كمّل الريش

والمزن بالمنشأ غـدا لـه ظلالـي.........وتراكمت غر المزون المراهيـش

وتذكر الصقار وقـت مضـى لـي.........ايـام جالـي بالغبيـة مغابـيـش

يوم الحباري حوزهـن بالدحالـي ..........ليا فرع النادر طلبهـن مخاييـش

والخرب بادناهن يصيـر الموالـي............يوجس براسه للشجاعة نغاميـش

خـرب مغفـل ماحسـب للتوالـي............طقيق حنكانه سـوات القراقيـش

وجاه اشقر جوفه من النسر خالـي.............جزام صيـاده يقـض النشانيـش

له بالطيور البـرق فعـل ومدالـي............ضربه عطب ماهو مسوح وتناويش

ذاك الزمان اللي به المـر حالـي..............يوم الصقارة تنعش القلب وتعيـش

واليوم لو نقنص جنوب وشمالـي................صرنا على ما قيل مثل القراريـش

ما شوف والله للصقـارة مجالـي...............نقفي ونقبل يالحميدي على ويـش

مهمـا تجاوزنـا فيـاح السهالـي.............غير الدجاجة ما لقينـا عراميـش

ما شوف غير القوبعـة والكحالـي............وزرق الثعال اللي سواة القرافيش

عـزي لحالـك يازميلـي وحالـي............بارض الرحيل نفتش القشع تفتيش

والله يلولا الطيـر بالقلـب غالـي.............اني لاجوز من العنا والمطاريـش

لاكان حب الطير شـارك اعيالـي.............ولو ما تسلى بالولع كيف اباعيش

والله ماني عن غلا الطيـر سالـي............لو نعلفه من بارد الخبز والعيـش

لوكـان للخـارج نشـد الرحالـي..........وندفع على شانه ضريبة وبخشيش

وسلامتكم

المصدر: الملتقى الجماهيري للشاعر محمد بن فطيس المري

صح السانك ومافيك حيلة

والله يلولا الطيـر بالقلـب غالـي.............اني لاجوز من العنا والمطاريـش

لاكان حب الطير شـارك اعيالـي.............ولو ما تسلى بالولع كيف اباعيش

صـح لســان الشـــاعر
ولآهنــت علـى النقــل

نقل رائع وقصيدة اروع

تقبل مروررررررررري(من الرياض)

(كان هنا)

مجنونك

والمزن بالمنشا غداله ظلالي//وترآكمت غر المزون المرآهيش (صح لسان كآتبهآ ولآهنت ع النقل اختيار موفق‏)‏

رآآئعه
لــآهنت ع النقل
ويعطيك العـآأفيه