بحر الأمل والتمني

بحر الأمل والتمني

لا تبحر فبحر الامل والتمني
ما يسعفك لو حاجتك منه قطـــــره


كله خيالٍ فيه ترسم وتبني
تبني خواطر فكرةٍ فوق فكــــــره


ولا مرت الايام ويش انت تجني
ما تجني إلا ضيق صدراٌ وحسره


كافح سنين العمر وإياك تحني
هامتك للعالم ولو بس مــــــــــره


ما بين فعل الطيب والدين تفني
زهرة شبابك بين كــــره وفــــره


ولا مرت الايام وامسيت مفني
قالوا رحل بالطيـــــــــب لله دره

المصدر: الملتقى الجماهيري للشاعر محمد بن فطيس المري

صح لسانك

وسلمت على الابيات الرائعه

لاهنت يالغالي وسلمت يمناك

انتظر جديدك

صح لساانك حسين قصيده رااائعه ربي يعطييك العافيه ..

لك ودي ..

ونا اقول الله درك على الكلمات الروعه

على قصرهاا لكن لهاا معنى كبير

تشكر عليه يا يا بعدي انتظر جديدك

الله يبيض وجهك ياحسين على هالنص الشامخ

نص استمتعت بقراءته وانت للامانه من الشعراء اللي لهم طابع خاص

واللي نتوق لجديده ونصوصه الشعريه

لا تحرمناا تواجدك وتواصلك

ولا خلا ولاعدم

اخوك

ابو مشاري

ابداع وننتظر جديدك الاروووووع

راقت تلك المفردات وعذوبتها تقبل مروري ابومشهور

كافح سنين العمر وإياك تحني
هامتك للعالم ولو بس مــــــــــره


ما بين فعل الطيب والدين تفني
زهرة شبابك بين كــــره وفــــره


ولا مرت الايام وامسيت مفني
قالوا رحل بالطيـــــــــب لله دره

صح الله لسانك وبيض الله وجهك .. ياسلام عليك يالحارثي .. عز الله انك جزل .. لك مني كل الود