قلب العناء

قلب العناء

مدري درت عن غربتي بين الاوهام=ولا درت عن سجتي مع هواها
اخفي عناها واتجمل من أعوام =والعام ذا فاضت عيوني بماها
أبكيك ياوقتٍ ضوى مابعد دام =روّح وروحي صايل الجور جاها
النفس ملت من قهر ضيم الايام =هي والليالي ماشية في عناها
مسكين من داست جبينه ولاقام =ياتي بعدها غيرها في خطاها
كنها جمالٍ تقطع الحزم درهام =لاشافت الدنيا شحيحٍ سماها
ماغيرها أحدٍ يبهج القلب لاضام =وافرح الا من جات حزت نباها
تسيّدت واقع حياتي والاحلام =أحسها داخل عروقي دماها
ماجور ياقلب العنا الحين والعام =دام ان جرحك ماوصل مستواها

المصدر: الملتقى الجماهيري للشاعر محمد بن فطيس المري

يعلم الله اني سجت وغنيتها من اول بيت لاخر بيت صح منطوقك يا آل دواخ انشهد شهاده

دمت بخيرر

سالم ال دواخ

صح لسانك على هذه المقطوعه الرائعه

تقبل تحياتي وخالص تقديري

الله عليك يا يا يا سالم دواخ صح السانك ولبى القاف للي كتبت عليه

تشكر على القصيده المميزه ننتظر جديدك وبشغف

روووووعه صح لساااااانك
مبدع من اول شطر لأخر شطر

لاهنت

الله عليك ياسالم

صح لسسسسانك مدد لا عدد

صح الله لسانك ياسالم .. شاعر علم ولا تحتاج الى شهادتي .. تقبل ودي يامبدع

خوي الشاعرسالم ال دواخ مميزة تلك المعزوفه
بطعم خاااااااص تقبل مروري وتحياتي شاعرنا
ساحتفظ بهذة الابيات لجمالها الرااااائع

اقتباس المشاركة الأصلية كتبت بواسطة أخو من طاع الله يعلم الله اني سجت وغنيتها من اول بيت لاخر بيت صح منطوقك يا آل دواخ انشهد شهاده دمت بخيرر

صح بدنك
واعتز في شهادتك يابعدي
تقبل خالص التحايا ولك كل الشكر

سالم الدواخ
الله الله عليك ياسالم قصيده جزله من شاعر جزل ومو غريب عليك الابداع يالمبدع وتقبل مروري
ودي وتقديري