( mexes + عبدالله السفياني )

اقتباس المشاركة الأصلية كتبت بواسطة البرنس السعودي محاوره مميزه من شاعرين مميزين بصراحه امتعتونا بما قدمتم الله لا يهينكم تحيااااااااااتي

مرور يقدر بالاحترام الف شكر

بكل امانه .. استمتعنا بهذه المحاوره بين شاعرين عظيمين .. لله دركم .. صحة السنتكم .. ولا هنتم على الفتل والنقض .. قراع قوي اعجبتوني جميعكم .. بكل امانه عسى ان يتجدد بكم الالقاء .. لكي نستمتع مجدداً بما تقدمونه .. صح السنتكم وتقبلو مروري واعجابي بكم .. لكم تحيه طاهره كطهركم

اقتباس المشاركة الأصلية كتبت بواسطة فيصل بن عبدالعزيز بكل امانه .. استمتعنا بهذه المحاوره بين شاعرين عظيمين .. لله دركم .. صحة السنتكم .. ولا هنتم على الفتل والنقض .. قراع قوي اعجبتوني جميعكم .. بكل امانه عسى ان يتجدد بكم الالقاء .. لكي نستمتع مجدداً بما تقدمونه .. صح السنتكم وتقبلو مروري واعجابي بكم .. لكم تحيه طاهره كطهركم

الف شكر على الاطراء اللي يعتبر وسام على

صدورنا وانت عزيز وغالي ومرورك يهمني دايم

mexes
يامرحبا وانت في العين , وأقلط على دلة الكيف = القاف لاتعسفونه , خلوه يقرح قراحي
موروثنا تعرفه زين , قد وضحه راعي السيف =يوم الزلامي عيونه , راحت لعين الرياحي

عبدالله السفياني

دام البقا وانت فـ الدين هذا كلام المواليف=والقاف واضح فنونه ماعاد فيها مزاحي

تقول يا هيه ذلحين والشعر حكمة وتوصيف=حتى ولو يملكونه ماهو نظام اصطلاحي

mexes

لو كنت راعي مزايين , اتشد لا قرب الصيف = والا تساير لحونه , حتى طلوع الصباحي

قدامكم بحر قزوين , له موج جبار ومخيف =ما اضنكم تسبحونه , خلك في عرض البراحي


عبدالله السفياني

حنا بعد عام الألفين وانته تغني المحاريف=والعلم ماتدركونه والسر لاشك باحي

التاجر ابوالملايين ماهو مدور مصاريف=فالسوق ماتكسبونه تاجر وراعي كفاحي

mexes

من وين اجيلك ومن وين , مانبغي الوضع تكليف = الشعر تعرف فنونه , لكًن مالك سلاحي

تاجر ويشكي من الدين , واضن عايش بتسليف = يطلب وترجع ضنونه , خايب وزاد الصياحي

عبدالله السفياني

يامضيعين العناوين،مالك ومال الملاقيف=اللي تريد المهونه،ماهم بقوم الصلاحي

حنا رجال وسلاطين،محنا بشجرة مشاريف=والرجل تبصر عيونه،فيوم زرق الرماحي

mexes

لو تعرف الزين والشين , ما كان تحتاج تعريف = تحتاج بعض المرونه , حتى تواكب جماحي
شفت اليهود الملاعين , في كتابهم فيه تحريف =لو دينهم يجهلونه , ابنوا عليهم ضراحي


عبدالله السفياني

منته من اللي مسمين،شاعر وخلف المعازيف=والحق ماتجحدونه،والليل بالفعل ماحي

مالك ومال المعادين،اللي تلج الغطاريف=والصدق ماينطقونه،والضلم براق لاحي

mexes

شيدت في السوق بيتين , لكن من دون تكييف = صلحت غيرت لونه , من دون تطلب سماحي

مالي ومال المقفين , يفخربي الجار والضيف = والوقت هذا شجونه , زادت عليك الجراحي


عبدالله السفياني

افهم شروط القوانين ،ماقول ياحيف ياحيف=بعض العرب واغبونه ماشاف لبس الوشاحي

ياللي نزلت الميادين ,الجو كله عواصيف=والذود ماتمنونه مانسمع إلا النباحي

اقتباس المشاركة الأصلية كتبت بواسطة فيصل بن عبدالعزيز بكل امانه .. استمتعنا بهذه المحاوره بين شاعرين عظيمين .. لله دركم .. صحة السنتكم .. ولا هنتم على الفتل والنقض .. قراع قوي اعجبتوني جميعكم .. بكل امانه عسى ان يتجدد بكم الالقاء .. لكي نستمتع مجدداً بما تقدمونه .. صح السنتكم وتقبلو مروري واعجابي بكم .. لكم تحيه طاهره كطهركم

يا مرحبابك يالعالمي

وشرف كبير مرورك وتواجدك

وهارد لك

لاهنت

محاوُره ممتعه..إستمتعت بالمتابعه

لاهنتم..وصح آلله ألسنتكم

الله الله عليكم وصح الله السنتكم مبدعين
ودي وتقديري

يعطيكم العافية روعة

الله الله عليكم وصح الله السنتكم جميع مبدعين ومافيكم حيله
ودي وتقديري