عزيز نفس ولو هالناس خلوني

عزيز نفس ولو هالناس خلوني

السلام عليكم ورحمة الله وبركاته
صباحكم / مسائكم رضى الرحمن
أول مشاركه لي في هالقسم
اتمنى ان ترتقي لذائقتكم الشعريه

في ساعة الضيق ياكثر اللي تناسوني
وياقلهم في زمان الجّد والحاجه

ما ابي هواهم ولو قامو ينادوني
لي راي يبقى على العالم ومنهاجه


عزيز نفس ولو هالناس خلوني
بعيش شامخ ولااقبل زيف هراجه


اسج عنهم واداوي خافي طعوني
واكتم ونيني واعرف شلون مخراجه


صبري كتبني بحرفه ليت يقروني
وعلاج روحي من الايام بعلاجه


مانيب شاكي وبقهر من تحدوني
العّز ذاتي وصبري مشعل سراجه


وش عاد لوهم اذا اقفيت لاموني
من باع نفسه وش اللي فيه احتاجه


اصحاب حاجه مع الايام عادوني
وخانو غلانا وطاعو ناس هلباجه


واليوم والله نسيت اللي تناسوني
ولاعاد اذكر زمان الجرح والحاجه

المصدر: الملتقى الجماهيري للشاعر محمد بن فطيس المري

عزيز نفس ولو هالناس خلوني
بعيش شامخ ولااقبل زيف هراجه


قصيده في منتهى الروعه
وننتظر الأروع دائماً
تقبلي مروري
علمني كيف أنساكـ

اقتباس في ساعة الضيق ياكثر اللي تناسوني وياقلهم في زمان الجّد والحاجه

صح السان الشاعر . . وبرضووه صح السانك هيبه
على هالاختيار الموفق
لاهنتي
وفي انتظار جديدك

اقتباس المشاركة الأصلية كتبت بواسطة علمني كيف أنساك عزيز نفس ولو هالناس خلوني بعيش شامخ ولااقبل زيف هراجه قصيده في منتهى الروعه وننتظر الأروع دائماً تقبلي مروري علمني كيف أنساكـ

ومرورش هو الأروع يالغاليه

لاهنتي
ولاعدمت طلتش وتواجدش الراقي في متصفحاتي

ودي

اقتباس المشاركة الأصلية كتبت بواسطة ذكريات صح السان الشاعر . . وبرضووه صح السانك هيبه على هالاختيار الموفق لاهنتي وفي انتظار جديدك

صح الله بدنك اخوي ولاهنت
واسعدتني بمرورك الراقي

لاعدمت طلتك وتواجدك في متصفحاتي

ودي واحترمي