اعتراف العاشق

اعتراف العاشق

اعتراف العاشق
في عيونك شفت يابنت الحلال
مايــكدر خاطري وهذي الحقيقه
امسحي دمع المعاتب والجدال
ماتساوي في العمـــــر لوهي دقيقه
كنت البي كل ماقتي تعــــــال
ولا زعلتي شبت بقلبي حر يــقه
الله اللي صورك سحرالجمال
وبالجـــــمال اليوسفي والله بريقه
شعرك الاشقر وفوق الخد خال
والثنايا الغر والبســمه الرقــــيقه
صعب اقول القلب من عشرتك مال
والعشيق يموت وما يجرح عشيقه
اعترف لك رغم كل اللي يقال
واعتراف العاشق الحبه وثيـــــقه
ودي اصرخ بالصحاري والجبال
ودي اكتبها على الورد ورحيقه
ودي انشدها جنوبيه وشمال
ودي القى للقوافي أي طريـــــقه
ودي امزجها مع المي الزلال
كلمة احبك وتشهدها الخليـــقه

من قصايد موسى ابومشهور الصايغ

المصدر: الملتقى الجماهيري للشاعر محمد بن فطيس المري

من ذا اللي مقطع قلبك يابو مشهور ؟؟
ياوجد حالي عليك بس ههههههههههههههههههه
صح الله لسانك يامبدع عز الله انك تطربني بجديدك .. تقبل مني كل الود والإخاء

خلها على ربك ههههه خوي امير والله انها احوال
يسلم مرورك ودمت ولاهنت

لاهنت يالذيب وسلمك ربي
الله يسعدك ونولك الي ببالك
وسلمت وسلم منطوقك

جعلك تسلم وتدوم خوي محمد اتشرف بتواجدك في متصفحي هنا لاهنت يالسنافي

ياسلام يابو مشهور

ابدعت والله القصيدة جميلة جدآ

ولو اني عانيت قليلا في القرأة من الخط

لكن القصيدة اعجبتني بالحيل

موسى ابو مشهور
الله الله عليك وصح الله السانك على القصيده الجزله والرائعه ومو غريب عليك الابداع
ودي وتقديري

الله الله يا ابو مشهور

صح لسانك والله لا يهينك على هذا الابداع
والله يكون في عونك

تقبل تحياتي وخالصت قديري

صح السانك يا يا يا ابو مشهور ابيات روعه تشكر عليهاا


ننتظر منك المزيد هع

موسى ابو مشهور

تسلم يمينك اخوي على هــ القصيدة الجزلة والمعاني الراقية

ودي وتقديري