( فهد الهباش + محمد الوريكي )

السمي ومحمد
بيض الله وجهيكم
وعز الله ما قصرتوا
تقيمي للسمي ولمحمد

لله دركم


عز الله انكم تهيضون ع ذا المضمون .!!

الله يعطيكم الف عافيه
فعلا ابدااااع اثار اعجااابي
لاهنتوا

يسعد قلوبكم يالغالين منورين دائما وأبدا

فهد الهبّاش :

ضايق ومستانس وابي لي شاعرن عزمه قوي = يوصّف الحاله ويصرف وصفتن مستعجله
يا محمّـد ان كانك رويـت فصاحبك ما قد روي = عطشان حتى في الغرق ويلاه يا دنيا الوله

محمد الوريكي :

يا مرحبـا واهليـن يا الهبـاش وابشر بلخـوي = والي يدور ابخاطرك ياصاحبي قوم اوقـله
الوقت شان اوقام يلوي كل من صابه لوي = عطشان ولا منته ابعطشان لازم تاصـله

فهد الهبّاش :

يا محمد اليا من عوى ذيبن لذيبن له عوي = هو يعتبر عويه دواء والّا مغير مجامـله
طال الزمان وكلّ يوم أسمع كلامن له دوي = في كل عامن له صدى ولا قدرت اتجاهله

محمد الوريكي :

الذيب يطويها ولا همه مسافـات الطــوي = ولاياء لقالـه ذيب من فوق الطويل ايحايـله
صبري وصبرك يا فهـد ماهوب صبرالمهتوي = واليوم اشـوف ان السـوالف كلـها مداخــله

فهد الهبّاش :

يا ذيب ياللي دلّ شارتها وعـنها ما غـوي = الـيـوم عـنـدك حـلّها والـبـرق يمّك خايله
أنا تعبت ابحث على كنزن بصدعٍ منزوي = ورّاني نجوم السماء في عزّ شمس القايله

محمد الوريكي :

اشوفها قامت تمالل لـيه عيت تستــوي = ابروقها والرعودها في قولها متمايـله
وانا ترا مثلك ليا من عودت يـم الكوي = قد صابني رمح الهوي والرمح باقي شايله

فهد الهبّاش :

يا صاحبي وانا اللي احسبك لهمومي تحتوي = واثرك جلبت الهم من دارن بعيدن مضحله
الظــاهــر انّــه يـاجـب ان كـل~ن لحاله ينطوي = مــدام مـا عـنـدك ضمـادن للسمـوم القـاتـله

محمد الوريكي :

ياصاحبي صاحبك قد ذاق المراره وابدوي = وليا بغاء ياصفلك الوصفه تجي وتقابـله
الليل يا الهباش ما تدري وش الي نحتوي = اربها مـا تستمر اوتصـبح الكـم طايـله

فهد الهبّاش :

يا صاحبي لا جاك من نجمه يبي يهوي هوي = عــادك تـبـي تآخـذ مـعــه مـشـوار ثـمّ اتـماطله
انـا نـويـت وصـاحـبي للحـين باقـي ما نُوي = وليا نوى يرجع علي واعطيه شيّ "ن" طاب له

محمد الوريكي :

الـي تقولـه يا فهـد قولـه ولا يبغـاء روي = ان كان هي جت ناقصه وان كان هي جت كامـله
وانا علي اقــول قولي جهر ماهوب اغبوي = يـا طيبـها طيبـاه تمســح كـلن دموعه سايـله

هلا والله وغلا بك يا فهد و يا محمد .. العذر والسموحه جات متأخره
ماشاءالله ابدعتم ومحاوره اكثر من رائعه وانشاء الله القادم بكون افضل

للامانه اسم فهد و محمد في اي موضوع كفيل بنجاحه فهما يحملان من الحب والطيبه الشئ الكثير

أخيرا .. الشاعر الفذ فهد الهباش (صوت قحطان) لديه افكار جميله ومفيده وحماس منقطع النظير وطموح بلا حدود

فقط انتظروا هذا الاسم .. .. تقبل مروري حماك الله

لاهنت والشرف والله حظورك
سو متاخر والى حاظر
نورت الصفحه بحظورك
واخوي فهد مكسب للمنتدى

اقتباس المشاركة الأصلية كتبت بواسطة بن سيف هلا والله وغلا بك يا فهد و يا محمد .. العذر والسموحه جات متأخره ماشاءالله ابدعتم ومحاوره اكثر من رائعه وانشاء الله القادم بكون افضل للامانه اسم فهد و محمد في اي موضوع كفيل بنجاحه فهما يحملان من الحب والطيبه الشئ الكثير أخيرا .. الشاعر الفذ فهد الهباش (صوت قحطان) لديه افكار جميله ومفيده وحماس منقطع النظير وطموح بلا حدود فقط انتظروا هذا الاسم .. .. تقبل مروري حماك الله

ما أقدر أقول الا :
( الله يسعدك في كل ديرة تنزل بها ... ويسعد كل ديرة تنزل بها )
لا تزال وستظل الأب الروحي لي في هذا المنتدى،،

.،

الله الله
أبدااااع وربي
صح لسانكم ولاهان شآنكم
واستمرو والقلب داعيلكم
/

للجزاله هناا شان عظيم كيف لا وهي بين فهد ومحمد


الله لا يهينكم شعراءنا الكباار