سلام الله

سلام الله

سلام الله على كل رجالٍ له احساس ويقدر على الراس=سلامي ما يخالط بزور وكذب والا يخالط بالخطيه

بعد ما قلت يا هاجسي هيا معي قم تربع فوق الاحساس=تقول اصبرعلي يا رفيقي لا تعجل ترا الدنيا مديه

وانا دقيت الانذار للشعار واليوم ما في الجو مجلاس=وعديت القوافي على طرق البحور القدام الجاهليه

سواليفٍ تتالت وانا نظمت عرفي على مبدا ولي ساس=تبنيته وانا اللي يجمل في حضوره ولا يقرب دنيه

عيوني يا عيوني عليش اليوم ضرباتها باخماس واسداس=عسى دمعتش يا عين ما تنزل على الخد من قبل المنيه

سرجت حروف شعري على المرقاب وانتجت كلمه بين الاقواس=عسى تبقى معي لين اورد بالجزاله على ظهر المطيه

ما دام الوضع قاسي ومدهور عسى يا عرب مافيه حساس=يباشر بالملامه علي ما يدري ان لي معاني سرمديه

خذيت العز والجود والناموس والقلب ناشبني على الكاس=واهنت الكلمه اللي تورد بالمعاني على غيض البريه

انا ماني بجندي نهار وما معي فالقياده رقم عساس=ولا توجت نفسي على روس البرايا وباشرت القضيه

معي نبره قويه وسلطه ما لها بين خلق الله مغراس=لجل عين الصراحه تقذتني الخلايق وانا نفسي سليه

اروم الطايله وانتولها وارتديها علي وتصيرملباس=واكشخ بالقصايد لجل تبقى نجوم المسامع للرعيه

شرحت البال وانتجت للابداع موضوع وارخته بكراس=عسا يبقى مثل ما الحدايق علقت فالجسور البابليه

ويكفيني من البعض نظره دون يكتب تعاليقه على الناس=ما دام اني جبرته يفتش فالمعاني فانا شيخ السريه

تفكر ما تفكر ترا ما عاد فيها يا ابن لجواد دساس=عزومك ما تدانت ولكن الدعايم معك صارت ونيه

لكم قولي وختمي وتصديق الروابط بعد توثيق الانفاس=معي تصوير واضح مبرمج ماهو بكاميره قالو خفيه

اسوس القول واوضح المدلول ما هو بضربة كف جساس=ولاني مثل غيري حشا والله ما حن على الدنيا سويه

انا شاعر علم ماني بشاعر طلع ثم عود للتنكاس=اجر القول وابزيه واغنيه واسلي النفس الشقيه

رعيته ما رعيته ولكنه طلع كنه اللولو والالماس=يزين هامة الشعر ويغنيه من هو يحب الشاذليه

بعد بينت موضوع شعري قمت ابين غرامي واقرع الكاس=بليت بحب عذرا جميله وصفها وصف ليلى العامريه

خذت قلبي وعقلي وشلت نوم عيني وانا ما ارتحت بنعاس=تقول ان قيس ليلى ولد ذيا الزمن والمعاني هاشميه

والا يا هاجسي ريح افكارك ترا فالوشق مطروح قرناس=يجر الصوت بالصوت ويمول على ما مضى من عنجهيه

المصدر: الملتقى الجماهيري للشاعر محمد بن فطيس المري

تسلــــم ناصــــر

مرحبا ياناصر ولا فيك حيله

شاعر جميل وتغرف من بحررر

لاحرمنا نبض حرفك وجزالتك ياناصر

تقبل اعجابي وتقديري لشخصك الكريم

لاخلا ولا عدم

اخوك
ابو مشاري

صح لسانك ياناصر ..

انت شاعر كبير ونستفيد منه ..

لكن بسألك البحر اللي كتبت عليه القصيده وش اسمه ؟

وانا ماسألتك الا للفائده لكل من يمر على هالمتصفح الكبيرر

تحياتي لك يالغالي

الماس يسعدلي هالطله

وصح بدنك وتسلمين على هذي الروح

تقبلي تحياتي

حياك حياك يا ابو مشاري

وطلت علينا البركه بهذا المرور اخيرا تنازل المدير

يسجل مروره على موضوع لي على العموم تقبل تحياتي وخالص تقديري

سلطان المري صح بدنك

والشهاده اعتز بها كثيرا

ولكن انت وجهة سؤال لن تجد جوابه لدي لاني

لا اعرف ولا بحر من البحور اخي الكريم

على العموم اشكرك كل الشكر على المرور الجميل

تقبل تحياتي وخالص تقديري

صح الله لسانك يا ناصر الشريف

قصيدك كله حمم بركانيه متفجره ما ادري متى بتهدي نبي لنا قصيده غزليه

من رواائعك يالغالي الله لا يهينك



متابع دوووم

محمد المري صح بدنك ولا هنت على المرور

وان شاء الله يخمد البركان معى الوقت ههههههههههههه

وابشر بالخير طال عمرك الايام كفيله ان تضع بين ايديكم

ما يسركم تقبل تحياتي وخالص تقديري

صح الله لسانك يالشريف

وتسلم يمينك ....

ويسلم بوحك ...

ولاهنت .