[ لهآ خصرن نحيلن يرتطم به شعرها المنثور ]

[ لهآ خصرن نحيلن يرتطم به شعرها المنثور ]

*؛

أنا مشكلتي اني لا عشقت اعشق بدون شعور
أصير من أمس الأول صيدة(ن) بيدين محبوبي

أهيم ببحرها وأبحر ولو ماني خبير بحور
على وجهي ولا أدري وين مرسايه ومكتوبي

هنوف (ن) دربها شوك وغرابيل وشقا وعثور
أبمشي صوبها وأقبل مدام عيونها صوبي

وأبكتب في محبتها قصيد(ن) يطرب الجمهور
مدام اني مع الشعار شاعر مالي(ن) ثوبي

لها خصر(ن) نحيل(ن) يرتطم به شعرها المنثور
لها عنق(ن) طويل اليا انحنى غنيت مسحوبي

غدا قلبي صويب من العيون الناعسات الحور
لو أهرب وأبتعد عن حبها ما أبطيت بهروبي

وأنا لو ما قدرت أكتب قصيد بزينها معذور
وش أكتب عن جمال(ن) لاذكرته بانت عيوبي

أخطط قبل أقابلها ولا ودي يبين قصور
وأجيها وأتجود وأحترص ويبين عذروبي

هي أجمل بنت بالدنيا تعيش وعرضها مستور
حسب ذوقي.. تقديري.. تعبيري.. ومطلوبي

هي اللي خلقها من نور كان أحد(ن) خلق من نور
لو أرسمها مثل ما هي قصر من دونها أسلوبي

أنا دكتور دكتوره وهي دكتورة الدكتور
نداوي بعض ولا ينتهي عمري وأنا عزوبي

ولا به غيرها من يملك دوا الخاطر المكسور
ولو راحوبي وجوبي ولو جوبي وراحوبي

وأنا طبحت مدري طحت لا راضي ولا مجبور
ولا أدري هو سببها حظ ولا أسبابها ذنوبي

سقتني كوب ماء صافي وأثر فيه البلا منثور
ومن هاك النهار أقصد وأغني من بلا كوبي

أمامي قصة(ن) ما اشوف فيها للشجاعه دور
ولا ماني أردى من صلاح الدين الأيوبي

مما رآق لي
لشاعر :.
زياد بن حجاب بن نحيت الحربي

المصدر: الملتقى الجماهيري للشاعر محمد بن فطيس المري

سقتني كوب ماء صافي وأثر فيه البلا منثور
ومن هاكالنهار أقصد وأغني من بلا كوبي

صح لساان شااعرها ويسلم ذوووقك المميز يالغاليه ،،

ربي يعطييك العافيه .. لك ودي ..

آآآلله وآآكبر على الذائقه


جيت مسير على المدونه حولت بي على الموضوع ذا

صحيح لاقال الزين يجلبك على الزين


صح الله اللسان حجاب

ويسلم اناامل من اجاااد وابدع في طرحها

يسلموو عالقصيده

اقتباس المشاركة الأصلية كتبت بواسطة غراااام نجد سقتني كوب ماء صافي وأثر فيه البلا منثور ومن هاكالنهار أقصد وأغني من بلا كوبي صح لساان شااعرها ويسلم ذوووقك المميز يالغاليه ،، ربي يعطييك العافيه .. لك ودي ..

..
لبى قليبك على هالمرور
ماننحرم يارب من طلتك
تسلمين ي حيي

اقتباس المشاركة الأصلية كتبت بواسطة شآسع المري آآآلله وآآكبر على الذائقه جيت مسير على المدونه حولت بي على الموضوع ذا صحيح لاقال الزين يجلبك على الزين صح الله اللسان حجاب ويسلم اناامل من اجاااد وابدع في طرحها

..

يَ هلا ومرحبا
نورت يابعدي ،
تسلم على هالطله
ماننحرم يَ ررب ،
سلمتَ

اقتباس المشاركة الأصلية كتبت بواسطة زيـزو يسلموو عالقصيده

..
العفووو ولو

دوآي ابدعت في الانتقاء تسلم يمنآك ع القصيدة بإنتظآر جديدك

ابياات رووووعه يعطيك ربي العاافيه

اقتباس المشاركة الأصلية كتبت بواسطة الذهبة دوآي ابدعت في الانتقاء تسلم يمنآك ع القصيدة بإنتظآر جديدك

..

تسلمين ي الغلا
على هالمرور
ماننحرم