ماني بشاعر

ماني بشاعر

يا بريد الرسايل فالضمير العطيب=امتلا الوارد وتصديره اعيا البشر
بين دمعي وجرحي ما لقيت الطبيب=والنفوس القريحه عاث فيها السهر
يا صباح امس حاضرنا عسى وش يجيب=كل ساعه يزيد الوقت ضيم وقهر
ماني بشاعر ولاني اديب وخطيب=بس موج المشاعر فالخفوق انهمر
في لساني بلاغه عارمه والنصيب=قابل اهل البلاغه بالعيا والجهر
داخلي روح شاعر بس بي قلب ذيب=ما تقفى رفيق ولا تتبع اثر
وان تقابل معى ذا الناس فكره يصيب=حسبي الله على اللي عني اعلن خبر
الامان الله بيعطيه من دون ريب=ما يفيد الهروب وما يفيد الحذر
يا ظلام الليالي يالزمان العجيب=من هو يبيت من بعد الضيا ما انتشر
اصبح الليل مثل الصبح بعد المغيب=واصبح الصبح مثل الليل يخفي البصر
ما بقى في ضمايرنا سوا ما يعيب=نتبع اهل التطور لو علينا ضرر
عقب ما كان دين الله حرزٍ قطيب=صار مهجور والنهج القويم انهجر
سمهم في عروق الدم جاله دبيب=لين عنا قطع ربي غياث المطر
داخل الروح كيه والصدر به لهيب=والخلايا تردد ويش عقب الصبر
قلت مالي سوا تقوا الاله الرقيب=سعد من هو بتقوا الله حمد ثم شكر
والصلاه الف مره للرسول الحبيب=بل مدا الدهر لين انه يباد العمر
والولا والولايه للوصي اللبيب=بعده ابنائه ولاة الهدا والامر
والحذر صدقوني من عبيد الصليب=واليهود اللعينه نارهم تستعر
يثها من ضميري جا بوقت المغيب=يوم عني يحذركم قصير النظر

المصدر: الملتقى الجماهيري للشاعر محمد بن فطيس المري

ياناصر يطول لي عمرك انشالله كل يوم مدخلنا
في متاهه ارفق علينا يامسلم


قـلــت*مـالــي*ســـوا*تـقــوا*الالـــه*الـرقـيــب ~~سـعـد*مــن*هــو*بتـقـوا*الله*حـمـد*ثــم*شـكـر

سبحانه عزالله انك عنزتها على
جال قوي اخي ناصر صح لسانك واعذرني
على التعبير الكافي أنا لست جديرٍ بذالك
تقبل تحيات وتقدير اخوك سعيد القحطاني والاهنت
ياخوي وين الناس المنتدى عاوين ذئبه
يالله عسى خير

صـح لسانك
ابيات روعه .. وكلمات صادقه
تقبل وجودي وتقييمي

صح لسانك يناصر شاعر كبيررر


تحياتي لك

اخي العزيز سعيد محمد صح بدنك والله لا يهينك على المرور

ومرورك يكفي يا ابو محمد تقبل تحياتي وخالص تقديري

صح الله لسانك .. قصيده جزله من شاعر جزل .. لا هنت ياناصر على المقطوعه الرائعه ..

أبياتك رائعه ياناصر،


صح نبضك ، جزله الأبيات

صح بدنك اخي سلطان المري ولا هنت على المرور

والاطراء الجميل تحياتي وخالص تقديري

الله الله عليك وصح الله السانك ومو غريب عليك الابداع ياالمبدع قصيده رائعه كروعتك
ودي وتقديري

صح لسانك بصراحه انت ماشاء الله عليك مبدع مررره واشكر على هذه الابيات......... العطره... التي.............................................. . تنبع منها المعاني الراقيه........... والاجواء الممتعه .................................................. ..وشكرا............................تحياتي ابو منصور

---