هاك اقرا

هاك اقرا

من خفوقي للرجال اللي لهم قدر ومكانه=يا سلام الله عليكم عد ما الهاجس دعاني
كل واحد ياصله مني تحيه في مكانه=واشهد ان الحرف مني بين خلق الله كفاني
لا حضرت اشيد لنفسي معى العالم ميانه=وان رحلت اخلي لذكري مشاريه تحماني
كيف لا وانا سليل اهل الوفى واهل الامانه=الرجال اللي لهم فالعز ناموس احتواني
والشلي بين القبايل لا نطق بالقول صانه=واشهد ان لساني اصبح يا هل الغيره حصاني
ناصر اعلنها وشيد له من المعنى حصانه=وانت يا فكري توقع لا تسائل وش بلاني
وا هني اللي تعلم شي من غلطة زمانه=والرفيق اللي يوضح لي خطاي بما خفاني
والقصايد ما تجمل كان مافيها متانه=والقوافي ما تحرك شي من دون المعاني
هاك (هاك اقرا) وانا با اعطيك دره وارجوانه=دام تفكيري عن الجزله ابد ما قد عصاني
اعتلي راس القصيد الحر وارفع عن طمانه=واستشير بشور راعي الشور يوم انه عطاني
يا يباس العود مدري يا جناه ويا ليانه=يوم اعبر عن شعور الناس في شعري اعاني
القصيد الزين ياتي ناصر الشامخ وزانه=ويهمل من داخل اعماقه محيطات وسواني
كل مرسى له سفينه لكن الموج بلعانه=يقطع حبال المراسي جوف ضفات المواني
لا بغى ناصر يراهن والله ان يكسب رهانه=وان بغى ناصر يحارب سل سيفه في ثواني
اندفق سيل المعاني لين عبا كل خانه=وانقطع حبل الاماني ليه يا حبل الاماني
اسئل الجمهور هل يلقى معي كل امتنانه=ام يعاني ثم لا يلقى لقولي ترجماني
هاك قولي يا وسيع العرف عان القول عانه=يوم انا خايلت براقٍ من القبله شعاني
ريمٍ اقبل كنه النسناس في صدري عنانه=نور وجهه بعثر نجوم السما قبل الغواني
سدد الحربات في قلبي ولا اخطتني سنانه=رمشه القاسي خرق قلبي قبل عوج المحاني
صانه التفكير والتعبير والتقدير صانه=لكن ايش اسوي لهمٍ بعد شوفه طواني
بس انا مليت من طرد السراب بكل حانه=يا فوادي لا تعذبني كفاني ما اتاني
ما مضى قد فات ومداد القلم سجل بيانه=والا انا با اعيش وحداني وابا انهي ما لفاني

المصدر: الملتقى الجماهيري للشاعر محمد بن فطيس المري

الله الله


شهادي فيك مجروحه ياناصر

شاعر جزل


ابيات شامخه


صح لسانك يالقرم ولا هنت على هالشامخه


تقبل مروري


لك تحيه

ناصر الشريف قصيده فيها من الشموخ
والعزه مايزيد من جمالها سلمت اخوي
ونعم فك وبربعك وصح الساانك تقبل
مروري المتواضع امام هذه الشامخه


شا ا ا عر ربعه

ونعم والله ياناصر


صح لسانك مدد لا عدد


قصيده تستحق التقييم


تقبل مروري وتقييم ي

صح لسآنك ياناصر

ولاهنت على هالابيآت الجزله

انتظر جديدك بشغف

عيوني حزينه صح بدنك

وشهادتك وسام وتكفيني

الله لا يهينك على المرور الجميل

والاطراء الرائع

تقبل تحياتي وخالص تقديري

حمد الهذلي ما عليك زود

وصح بدنك والله لايهينك على الاطراء

ومرورك يشرفني ويشرف النص

تقبل تحياتي وخالص تقديري

العقاب صح ما عليك زود وصح بدنك

ولا هنت على المرور الرائع

تقبل تحياتي وخالص تقديري

الضي صح بدنك ولا تهون على المرور المتواصل

وتسلم على الاطراء تقبل تحياتي وخالص تقديري

والله وسبعة انعام عزيزي ناصر .. قصيده تبين ان خلفهاا شاعر عظيم .. صح لسانك عزيزي ولا حرمنا هذا الحضور المتألق .. لا املك احرف سحريه لكي ارد بتعليق يرقى لهذه القصيده الذهبيه .. واعتذر بأكتفائي بالمرور وتسجيل الاعجاب .. صح لسانك يالغالي مدد لا عدد .. وبانتظار جديدك القادم .. لك تحيه طاهره كطهرك عزيزي