( ما تغيرت لكن الزمان الشحوح )

( ما تغيرت لكن الزمان الشحوح )

السلام عليكم صبحكم بالخير

بين كثر الطعون وبين غزر الجروح
ــــــــــــــــ وبين كلمة صحيب الجنب لا قالها

وبين قو العتاب اللي غلافه مزوح
ــــــــــــــــ وبين مستقبل الاحلام وأطلالها

قال متغير ٍ طبعك علامك تنوحة
ــــــــــــــــ قلت مطعون والدنيا على حالها

ما تغيرت لكن الزمان الشحوح
ـــــــــــــــــ غيّر أطباع بعض الناس وأفعالها

والله ان لي طموح وأن لغيري طموح
ـــــــــــــــــ لكن الوقت شُغلة يذبح أمالها

بس بعض العرب لا زان وقته لحوح
ـــــــــــــــــ ما يشوف المخارج قبل مدخالها

الليالي تغرك يالحصان الجموح
ـــــــــــــــــ تهلكك لين تآقف موقف بغالها

بأختلاف المواقف وأختلاف الشبوح
ــــــــــــــــ قدّر الناس وأنزلها بمـنـزالها

كآن تبغي النصيحه خل قلبك سموح
ـــــــــــــــــ نبتتن في حمآها مالك ومالها

وأنت ياراعي الرمش الظليل الذبوح
ـــــــــــــــ منه طب القلوب ومنه سلالها

راح جسم المولع ما بقى فيه روح
ـــــــــــــــ راحت الروح مني تتبع وصآلها

كل ما شفت لي برق ٍ بعيد ٍ يلوح
ـــــــــــــــ قلت جعله على فلآنه ومدهآلها

لين عطر الخزآمى في حمآها يفوح
ــــــــــــــــ وهي تثنى بشيلتها وشلآلها

ودمتم

المصدر: الملتقى الجماهيري للشاعر محمد بن فطيس المري

صح لسانك يامحمد كما عودتنا نص تقطر العذوبه من اطرافه

خاصة البيت الأخير شيلتها وشلالها جميل الوصف

وهي بعد لاتخلو من الحكمه مثل تغليف العتب بالمزح وهذا قوي مره من الصاحب لأن العتب الصريح أهون

وقدر الناس وانزلها بمنزالها بعد فيه من الحكمه الشيء الكثير

اذا عندنا عتب عليك هو قلة تواجدك وعطاءك

وجهك ابيض يالمري

اقتباس المشاركة الأصلية كتبت بواسطة قـاصد كـريم صح لسانك يامحمد كما عودتنا نص تقطر العذوبه من اطرافه خاصة البيت الأخير شيلتها وشلالها جميل الوصف وهي بعد لاتخلو من الحكمه مثل تغليف العتب بالمزح وهذا قوي مره من الصاحب لأن العتب الصريح أهون وقدر الناس وانزلها بمنزالها بعد فيه من الحكمه الشيء الكثير اذا عندنا عتب عليك هو قلة تواجدك وعطاءك وجهك ابيض يالمري

اقف اجلالا وتقديرا لهذا المرور الكبير واكبر تحيه لاستاذي قاصد


اسعدتني بتواجدك قبل ردك الله لا يهينك يالغالي على الاطراء


جمال القصيده يكمن في وجود اسمك اول المشاركين الله لا يحرمني منك

والغياب والله انه اجباري ولكن انا متواجدا قلبا وقالبا

ووجهك يالغالي




ودي

جميل النص عجبني تطرقك يمكن للنصح وبطريقة جديدة

عجبني كذلك بدايتك للقصيدة دخلتني لجو القصيدة بدون لااشعر

للأمانة مميز يامحمد وشهادتي فيك مجروحة

اتمنى لك التوفيق يارب

محمد المري .. ارحب بعد الغياب ..
نص جميل ولا يكتبه الا شاعر كبير مثلك وشرواك ..
تقبل مروري البسيط واعذر قصوري

محمد صح لسآنك ملايين ومايكفون
ماشاء الله عليك مميزه قصائدك
وربي انها لها طعم ثآني
لانك تبدع فيهآ من جد الله يحفظك يآرب..
بس عندي سؤال صغينووون هههههه
سبق ونشرتها وإلااول مره؟؟
بعدين بإذن الله بقولك ليش سألتك هههههههه

صح لسانك أخوي محمد المري
قصيدة في غاية الجمال والإبداع
كلمات خطت بخيوط الشمس الذهبية
فيها الكثير من الحكمة والوصف الجزل
إستمتعنا بجمال صورها الشعرية المتقنة
تحياااتي لك

صح لسآنك كل بيت اجمل من الثاني

اوقفني هـ البيت

الليالي تغرك يالحصان الجموح
ـــــــــــــــــ تهلكك لين تآقف موقف بغالها

وهذا ايضاً


كآن تبغي النصيحه خل قلبك سموح
ـــــــــــــــــ نبتتن في حمآها مالك ومالها


لله درررك .

صح السآنك . . اعجبتني القصيده
تقبل مروري وتقييمي

ارحب ي محمد من طول الغيبات جاب الغنائم
عزالله جبت الجزله وانت راعيها نص جميل
مفردات جميله وصف جمال مايشوبا هذا
النص غياب صاحبه من المنتدى وحنا لانستغني
عن نصوصه الذهبيه تحياتي واتقديري لك
اخي محمد وذي المره سامتحتگ ولاعاد تبطئ ولاهنت