بــس احــبّـك يـآ بـعــد حـيٍ ومـيـتـي ،

بــس احــبّـك يـآ بـعــد حـيٍ ومـيـتـي ،

مسآئكم رضى ،
حبيت انزل بين يديكم هذه الأبيات ،
وأعتذر مقدما عن القصور ، الأبيات جائت سريعة ، ومن البذرة الى البذرة ،
لم أعتني كثيرا بها ، فهي هكذا كمآ جآئت ،


وا عـذاب الحـال ياللي مـا دريـتي
تحسبين ان حال قلبي مثل صيتي

كـانها بالصـيـت قـرم وعـارفـينه
بس ضيمه في حشى قـلبـه مبيتي

يظـهـر انْ حـاله مثل حال الدعاية
تنْـشـر الأخـبار ويخـبّى الفـتـيتي

لا تلـومـيـنــه ولا تستـنكـريــينـه
كـان حـبّـيـتيه قـولـي لـه شـريتي

قـولـي احبّك واحـب الحـب لاجـلك
واعشـقـك حـد الجنون المستميتي

لو سـمـع مـنّـك احـبّـك ذا جـوابـه
آه كـم كـنت اعشقـك لو مـا دريتي

ايه انا احـبّك واحـب اهـلك وناسك
والـتـراب اللـي برجلـك له وطيتي

كـان ودي قـولها واخـاف جـرحـك
كنت احسب انّك من عيوني قريتي

ايـه انـا يا بـنـت فـي حـبّـك مـتـيّـم
شارين حـبّـك وعـيـني مـا تـبـيـتي

ساهرن لـيـلـي واغــنّـي وا عــذابـي
وانـتـي بْـلا ذنب مـا كـنْـك افـتريتي

ليه عشـقـي لـك مثـل صفحـة رواية!
ابـتـدى غـيـرك وقـفّـى ما انـتـهـيتي

الهــوى يــا بــنـت للـعـاشــق مـذلـة
والّا أنا ما ارضى المذلّة لـو رضـيـتي

يـكـفـي انـي بـعـت لـعـيـونـك صبايا
عـاد بـاقـي نـبض شعري وسط بيتي

ودي امـلّـك واغـض الـطــرف عـنّـك
واتـنـاسـى عـنـك واقـول انـتـهـيـتي

بـس احـبـك واعـشقـك وشلون مدري
بــس احـبّـك يـآ بـعــد حـيّي ومـيـتـي



فــهــد،

المصدر: الملتقى الجماهيري للشاعر محمد بن فطيس المري

صح لــسانك يالشاعـر

مافيك حيلة يالهـباش
دايم تفاجآنا من قصايد ونثر

كنت باقيم بس عيّا
انتهى التقييم لهاليوم
لي عودة بالتقييم ان شاء الله غدآ



رعاك الله يا فهد

اقتباس كـانها بالصـيـت قـرم وعـارفـينه بس ضيمه في حشى قـلبـه مبيتي

ونعم يالقرم

كفو كفو يابو هباش

عز الله النص من اوله لآخر نبض واحساس

لكن انا احس الطرق الهلالي مايصلح فالغزل مدري ليش

احسه الطرق الوحيد للنصح والمدح

مدري يمكن تختلفون معي فالنقطة هذي

ماشاء الله علييك

هذا وهي سريــعه ..

لآهنت وصح لسانك

بـس احـبـك واعـشقـك وشلون مدري
بــس احــبّـك يـآ بـعــد حـيٍ ومـيـتـي


ياساتر استر هذاه والله جبتها من الأعماق
ي اخي فهد ياااالطيف الطف وش خليت

ايه انا احـبك واحـب اهـلك وناسك
والـتـراب اللـي برجلـك له وطيتي


ياحرام وياسلااام ماذا اقول عن هذا النص
يافهد وربي روووووعه جمل الله حالك
يعجز التعبير بس صح لسانك ماحييت
تحيات وتقدير وتقييم اخوك سعيد بمان الله وحفظه

صح لسآنك ملاييين يافهد
ماشآء الله عليك ابدعت وربي
دائما مبدع مميز
الله يحفظك ويحميك يآرب

صصح آلسآنك مليووون


ولآهنت على آلقصيدهـ آلجزله

صــــــــــــــــــــــــــــــــــــــــــــــــح لسانك
ي فهد والله يعطيك الف عافيه

صح لسانك يالسمي
وعز الله انها قصيده متكامله بجميع جوانبها
تقيمي

صح السانك شاعرنا
ماشاء الله

مبدع وابيات فيها الم وفيها شجون
وفيها حب عاشق احب بكل جوارحه
اهنيك على هالنص الرائع
من شاعر جزل صح لسانك ومافيك حيله سواء بالطرق الهلالي او غيره
تقبل تقيمي ومروري