ماهي غريبة !

ماهي غريبة !

.

الطيب لاهل الطيب ماهو كليفي
يسهل عليهم لو طروقه صعيبه
.
رجالهم دايم جنابه مريفي
وفي كل يوم يطيب ويزيد طيبه
.
والا الردي عايش بحالٍ كسيفي
الراس خاوي والهقاوي قريبه
.
يروح عمره بين بوقٍ وزيفي
ويموت ما حاز النعم من نصيبه
.
لو صاحب الاشراف ما هو شريفي
يلحقه من دنياه شكٍ وريبه
.
ولو قال ماله بالخلايق وصيفي
لابد ما يكشف لك الوقت عيبه
.
يغرك بشكله وعقله خفيفي
وكلمه تودي به وكلمه تجيبه
.
وينعاف عمرٍ للمراجل معيفي
وان غاب ينسى وان حضر ما دريبه
.
ومن الغريب انه يطيب الضعيفي
واليا تردى قيل ما هي غريبه

.

اسم القصيده وقائلها :
" ماهي غريبة ! "

الشاعر - خليل بن هدلان

.

المصدر: الملتقى الجماهيري للشاعر محمد بن فطيس المري

هلابك مليوون
رشيد
وصح لسسسان شاااعرها ولا هان ناقلها

ويشششرفني اكون الفيرست

صح ذوقك يارشيد

حكيمه القصيده

صح لسان الشاعر

يسعدني اني اكون السكند في موضوعك


لاهنت ++

اختيار جميييل رشيد ربي يعطيييك العافييه .. لك ودي ..

رائع بكل ما تحتويه أهنيك على هذا لاختيار
والشاعر بن هدلان شاعر يمتلك نصوص فاخره
اشكرك بعنف على هذا الجمال .الله يعطيك العافيه

شاكر لكم احبتي وممنون

صح لسان شاعرها ولاهنتم
اسعدتموني بردودكم ربي يسعدكم

صح الله لسان الشاعر خليل ولاهنت أخوي رشيد ع الإنتقاء الرائع

صح لسآنه الشآعر
قصيده رووعه
تسلم رشيد ذوقك غير
الله يحفظك يآرب