القرن الاشقر والله مايلتوي الا على ذراعي..

القرن الاشقر والله مايلتوي الا على ذراعي..

السلام عليكم ورحمة الله وبركاته
هاذي قصه وقصيده من دواويين : الراوي
ويارب تنال لو ربع اعجابكم

بداية القصه عن وحده من اهل المنطقه الشماليه
كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على

خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها .
وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن

البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد

وحالفه انها ما تزوج الا هو قالت امها هباس في بيت ابوه روحي واطلبيه يفك حجريكي وتعوذي منه
:: [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ::

يمكن يفك منه
راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني

في سبيلي" ما ابيك "


ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .


رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني

وانا اسلم عليكم وشربت السم .



وماتت



هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها

وادفنوها بملابسها


وقال يميني ووفيت به

أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد

صغير سن .
حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه

تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها

قال الولد البنت يقولون انها شربت سم وماتت..

ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها

شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار

بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها

وحصل البل بيرسها لي قال الولد هاتها

استلم منير الرساله الا هويقول فيها :


يا منير ما جاكم عن الترف ذكار

صحيح وان صخيف الروح غادي


صحيح والا طنبلـة علـم قمـار

او جا عنه راع العلوم الوكـادي


وكنك ضربت الكبد نطحٍ بمسمار

من يوم قيل الموت للترف صادي


وانس على كبد كما حر مخطـار

شي جرا جاللبـلا مـن فـوادي


ودك لوالدنيا تصنـت للاشـوار

والموت ياتي لـه نذيـرٍ ينـادي


يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي

شربت السم وانه كان يقصدها ورد عليه يقول:





وانا عنـه راع العلـوم الوكـادي

صحيح ماهي طنبلـة علـم قمـار

دنياك هذي ما تصنـت للاشـوا ر

تضرب على مشهات نفسه عنـادي


لوشاورتنا كان ما حق مـا صـار

نفدي بناسٍ عـن ظبـي الحمـادي


ياحيف ياعضودٍ كما وصف جمار

يودعهـن القبـر المهبـا سمـادي


وشقرٍ ضفرهن طولهن خمسة اشبار

يعبا لهن غير الرشـوش الزبـادي


وياحيف ياهبـاس للتـرف قبـار

هبس قرونه عقب ما هـن بعـادي





وسلامتكم..

الله يرحمها برحمته
تقبلوا مني خالص الود والإحترام

المصدر: الملتقى الجماهيري للشاعر محمد بن فطيس المري

ياعساك سالمه وغانمه الله يجعلك تاخذين الاول بالمعهد يبنت الروقه اشهد انها قصه اليييييمه مرررره واحسنتي في سردها بيض الله وجهك على مواضيعك الرااايعه خليتني أعيد البيت إمرار وتكرار

البنت نشميه واجدانها روووق
اهل الكرم ومرجحين المواااازييييين

تحيات واتقييم اخوك سعيد لاهنتي

حياك يابنت الروقه ,,

قصه واقعيه واليمه جدا ً وكثير ماتحصل رحمها الله ورحم اموات المسلمين ,,

لك جززيل الشكر على طرحت القيم ومواضيعك الجزله ولاهنتي .

تسلمييييين يابنت عمي كفو هذا الحب الصااادق هههههه
تسلمييييييييييييييين مره ثانيه واحلى تقييم

هلابك اخوي سعيد
يــســعدني ويــشرفني مروورك الـراائع
وردك وكلمااتك الأرووع
لاعــدمت الطلــّـه الـعطرهـ

الله يرحمهااااااااااااا روعــــــــــــــــــــــــــــــــــــــــــــةة قصةة خياااااااااااااااااااااال

تسلمين بنت الروقه قصه واقعيه ومولمه
تسلم يمناكي ع النقل