ياصاحبي

ياصاحبي

بسم الله الرحمن الرحيم
السلام عليكم ورحمة الله وبركاته :- بعد غياب طويل امتد لعدة أشهر أبيت الا ان اعود اليكم بهذه القصيده وارجو ان تعذروني عن انقطاعي عنكم لكن سبب غيابي هو ظروفي العملية والشخصية اليكم القصيدة ولا تبخلون علي بنصائحكم وتوجيهاتكم .

ياصاحبي وش فيك غايب لك شهور
مدري جفا ولا ظروفك قويـــه
ومدري زعل ولا سبب هرجة الزور
والا وصلك من حدانا خطيــه
بيح لنا سرك وحنا لك ستور
ناقف معك وقت الليالي العصيــه
ترى الصديق الي ليا ضاقت يثور
ويثبت كما شم الجبال العتيــه
حيه وحي الي على الطيب مفطور
راعي الفعول الطيبه والزكيــه
فعله ينومس بكل مجلس ومخبور
ورايه سديد ولا مشى بالرديــه
ولا الردي خايب وخاسي ومعثور
ان فز وان مافز كلها سويــه
قليل نفع ولا يقدي به الشور
خسيس طبع ولا يعرف الحميــه
بعض البشر لا غاب ضيق له صدور
وبعض البشر لا غاب ماهي قضيــه
ياصاحبي بختملك الهرج بسطور
وبهديك من نبع القوافي هديــه
ان جيت فاح بجيتك مسك وزوهور
واهلا هلا بك الف مليون وميــه
وان رحت عنا ياأبيض الوجه معذور
ومعزتك بقلوبنا دوم حيــه
من لا بنى الرفقه على ساس وجسور
مايعرف حقوق الخوي لخويــه ..

وسلامتكم ....

المصدر: الملتقى الجماهيري للشاعر محمد بن فطيس المري

الطير الرحال
اول شي صح لسانك والحقيقه قصيدتك جزله
وانت شاعر جزل تقبل تحيات واتقدير
اخوك سعيد القحطاني والله يحييك

وعليكم السلام ورحمة الله وبركاته ,,

حياك الله يالطير الرحال ,,

ابيات تفرض وجودها بلا شك ابداع وقمة جزاله وحرف عذب وتعبير وافي ماشاء الله عليك ,,

صح الله لسانك وصح قلبك وكلك ولاهنت ,,

لك خالص شكري وتقديري .

اقتباس بعض البشر لا غاب ضيق له صدور وبعض البشر لا غاب ماهي قضيــه

مبدع يالسنافي ولا عليكــ قصور

اقتباس والا وصلك من حدانا خطيــه

الشطر ذا بتشديد اللام سليم

لكن احتياطا لو خليته

والا وصلكم من حدانا خطيه

الطير لاهنت وسلمت قصيده جزله
جعلك سالم وغانم وماتشوف شر
وهلابك ومرحبااااا

الله الله قصيده في القمه تسلم يالطير

الطير الرحال قصيدة جزلة من شاعر جزل

اعتذر منك لنقلها لان القسم لا يسمح بالاسم المستعار للرجال

تحياتي يالغالي،،