يافهد ياقمة المجد وسنامه

محارف الف شكر لك وكلامك صحيح الله يطول
عمرك شرفني حضورك ولاهنت

سعيد محمد القحطاني
اخي القدير والنعم بك وبصاحبك
قصيده رائعه لاهنت كلك ذوق
انو تكتب قصيده بصاحبك من طيبك
يعطيك ربي العافيه وصح لسانك وعتلاشانك
جعل والديك الجنه والفردوس الاعلي
لروحك ياسمين وخزامي تقبل مروري

عدنا


صح الله اللسانك مدد بلا عدد وكفيت ووفيت وفهد يستاهل المدح وزيااده

شاعرنا ..
والنعم بحالكـ وبمن رافقت ..
وصح لسسانك اخووي ..

((اسمح لي بهدا الاسم في بدايه ردودي .. لان فعلا تحوز على اعجابي قصايدك.. وشرواك معروف بالشاعريه ..مافيك حيلة ))

كـــل التحايا ..

اقتباس المشاركة الأصلية كتبت بواسطة سعيد محمد القحطاني بسم الله الرحمن الرحيم أحبتي الكرام السلام عليكم اسعد الله جميع اوقاتكم بالخير والمسرات يسرني ان اقدم لكم هذاه المشاركه المتواضعه امل ان تحوز على رضاكم ألقصيده قلتها في (فهد بن مطلق بن زنيفر العجمي) راكب اللي يوصل السائق مرامه ...............منوة اللي ضاق والمجلاس مله مابعد حطو على بابه علامه ...................كود لوحاته توضح مصدرله وسايقٍ لا حاربت عينه منامه .......................ماتريح لين يقضي لازم له نوع شاصٍ مثل ذئبٍ بانهزامه ........شاف نور الصبح والشاوي فطن له كت حسه حس شعفٍ في غمامه ........................في مقاديم المزون المستهله زودو مع فن تصميمه نظامه ...................من تساوى فوق سيته مايمله صانعه يرمزله ارهاب وفخامه .....................تحدتي منه المواتر حشمة له بعد ما شغل وروح بالسلامه ..........................فوقه اللي كل منهاجٍ يدله لا فرق خط البويب من الثمامه ..........................وجهته قدام والمنعاج خله نصه اللي بالنبا شيد خيامه ..................عند ابو مطلق زعيم الطيب كله قبل اجي واروح يلزمني سلامه ..................منصح له بالسلام وامخلص له يافهد ياقمة المجد وسنامه ...................ياسعد من شاف من الايام خله يافرح عين الصديق ويا حزامه ....................ماغوى من حط مثلك محزم له ياعما عين الخصيم ويا خزامه ...................،انت ياسيفٍ ينومس من يسله عنوتي للي ينومسني مقامه ...................مكرم إكبار الشوارب في محله .جيت لك والوقت حاديني عسامه ......................كل همٍ جيت وضلوعي تشله رحت اسوق الهيم باديار المهامه .................في ضحاضيح الرياد المضمحله وردتني مشربٍ تسعين قامه ....................يصدر الضامي واريقه مايبله لعنبو من يلحق الطيب ملامه ...................ومسند الشكوى لاغير الله مذله والسلام بداية الهرج وختامه .....................هاذي علومي وجاك العلم كله

صح الله لسانك ياسعيد ...والله انها جزله .. تحياتي لكـ ياذيبان

مبدع يالقحطاني لا هنت
لقد أسعدني تواجدي هنا
أهنئيك على شاعريتك الفذه
تقبل من التحيه أغلاها ودمت بود
ترانيم

اقتباس المشاركة الأصلية كتبت بواسطة فراشة شاعرنا .. والنعم بحالكـ وبمن رافقت .. وصح لسسانك اخووي .. ((اسمح لي بهدا الاسم في بدايه ردودي .. لان فعلا تحوز على اعجابي قصايدك.. وشرواك معروف بالشاعريه ..مافيك حيلة )) كـــل التحايا ..

اختي الفراشه اول شي مرحباً بك مليون
وصح بدنك وجعلك تسلمين وافيه واشرواك الطيب
يبنت المطاليق ويكفيني اشادتك عسى شيبانك
بالجنه والله اني أنحرج من من طيبك انتي واكم
واحد ووحده اتمنى ان اكون عند حسن ظنك وأظنهما
تقبلي تحيات واتقدير اخوك سعيد ولاهنتي

اقتباس المشاركة الأصلية كتبت بواسطة الفلوه سعيد محمد القحطاني اخي القدير والنعم بك وبصاحبك قصيده رائعه لاهنت كلك ذوق انو تكتب قصيده بصاحبك من طيبك يعطيك ربي العافيه وصح لسانك وعتلاشانك جعل والديك الجنه والفردوس الاعلي لروحك ياسمين وخزامي تقبل مروري

الفلوه والله والنعم ولا يكفي
اسم عزيزٍ علي واقدر واحترمه عزالله تستحقين
الاحترام وهذا من طيبك وحسن خلقك الله
يرضا عليك ويوفقك والف شكر على مرورك
وكلامك الجزل تحياتي. صادق ودي ولاهنتي

سعيد الهباش والنعم والله فيك يبن عمي
وجعلك سالم وغانم مشكور على مرورك العطر
لابكيتك تحياتي وصادق ودي ولاهنت

الشاعره القديره ترانيم المطر ياهلا ووغلا شرفتي
متصفحي واشكرك على مرورك الكريم وصح بدنك
وعساك سالمه اختي ترانيم ويهمني رايك
في اي من مشاركاتي سوا نقد اوتوجيه
تقبلي تحياتي وصدق ودي ولاهنتي