تسعة أشهوراً كنها خمسة أسنين

تسعة أشهوراً كنها خمسة أسنين

بسم الله الرحمن الرحيم
هذا الجديد اتمنى ان يحوزعلى رضاكم

ماودي بفرقاء المواليف ياعين=لكنها الفرقاء عليه غصيبه
قدام شوفك روحوا يوم الإثنين=أنا اشهد ان الروح صارت كئيبه
ياعين مافاد العتب للمقفين=نامي ترى الفرقاء علينا صعيبه
كتمت خلف العوج نار وبراكين=والظاهر ان اليوم زود لهيبه
تسعة اشهوراً كنها خمسة أسنين=قد قالها المري وقالوا غريبه؟
لاوالله إلا واقعاً يجهل اللين=وفي واقع الإفلاس يدرج شعيبه
كنت احلم بقطف الثمر والرياحين=واليوم جذر الحب منهو يجيبه؟
ياوجد حالي وجد من لاوع البين=عمره اصغيراً بالفقر مادريبه
يخفي دموع العين واحزانه اتبين=وعلى قبور اهله تزايد نحيبه
هذا وجودي فيك ياأغلى المحبين=ياللي عشانك خافقي مات ذيبه
عسى اللقاء بالذات في يوم الإثنين=لإني بيومه شفت معنى الكئيبه
هياف=السبيعي

المصدر: الملتقى الجماهيري للشاعر محمد بن فطيس المري

مشكوووووور والله يعطيك الف عافيه ,, وصح لسانك اخووي الكريم

حلو منك فكره اقتباس الشاعر بن فطيس ,,

تسعة اشهور كنها خمسة أسنيـن قد قالها المري وقالـوا غريبـه؟

والاحلى هو حفظك لحق الشاعر

كما عجبتني ببيتين فائق التصوير الا وهو

كنت احلم بقطف الثمر والرياحين واليوم جذر الحب منهـو يجيبـه؟

ياوجد حالي وجد من لاوع البيـن عمره اصغيراً بالفقـر مادريبـه

(( بارك الله فيك على هذا لابدااع ))

هياف السبيعي والنعم فيك
صح لسانك قصيده جزله وشاعر جزل تسلم يمينك
تحيات اخوك سعيد ولاهنت

صح لسآانك هيآاف
روووعه وربي
ابدعت الله يحفظك يآارب

صح لسانك ياغالي




الله يعطيك العااافيه




ودي وتقديري لشخصك

حياك الله هياف السبيعي ,,

صح الله لسانك وصح قلبك وكلك ولاهنت على هالمعزوووفه الجززززله ماشاء الله عليك ,,

خالص تحياتي لك ووافر احترامي .

تسعة اشهور كنها خمسة أسنيـن /قد قالها المري وقالـوا غريبـه؟
وأنا أقول مو غريب إذا أتى الأبداع من أهله
سعداء بتواجدك بيننا ونفخر بوجود من هو بهذا الكم الزاخر من الشعر
دمت ودام نبضك
تحياتي لشخصك الكريم
ترانيم

ما بطى من جاء ياهياف ...

حياك الله والحمدلله على السلامه

وقصيدك نخض له ويجبرنا على العتاب كونك شاعر جميل

ولنا شف ومطمع في تواجده ومواكبة جديده ..

لا فض فوك على هالشامخه يالقرم ولا حرمنا نبع حرفك

شاعر افخر بمتابعته واعد نفسي واحد من جمهوره ..

تقبل احترامي وتقديري لشخصك الكريم

ولا خلا ولا عدم على هذا الجمال

أخوك
ابو مشاري

ماودي بفرقاء المواليف ياعين=لكنها الفرقاء عليه غصيبه
قدام شوفك روحوا يوم الإثنين=أنا اشهد ان الروح صارت كئيبه
ياعين مافاد العتب للمقفين=نامي ترى الفرقاء علينا صعيبه
كتمت خلف العوج نار وبراكين=والظاهر ان اليوم زود لهيبه
تسعة اشهور كنها خمسة أسنين=قد قالها المري وقالوا غريبه؟
لاوالله إلا واقعاً يجهل اللين=وفي واقع الإفلاس يدرج شعيبه
كنت احلم بقطف الثمر والرياحين=واليوم جذر الحب منهو يجيبه؟
ياوجد حالي وجد من لاوع البين=عمره اصغيراً بالفقر مادريبه
يخفي دموع العين واحزانه اتبين=وعلى قبور اهله تزايد نحيبه
هذا وجودي فيك ياأغلى المحبين=ياللي عشانك خافقي مات ذيبه
عسى اللقاء بالذات في يوم الإثنين=لإني بيومه شفت معنى الكئيبه
هياف=السبيعي

هياف السببيعي
كبير بحرفه وحرفنته الشعرية
سجل اعجابي بحرفك المبهر
صح لسانك

[/poem][/QUOTE]

صح لسان هيآف ..
يعطيكم العافيه ،