(خالد العبيريد + فهد ثامر البقمي)

النار شبت والعلم رافعه فـــوق المراقيب
............. ماهو عجوبه لو فالوقت يالصاحب عجوبه
والا نبي نرسلك وتودي المكتوب وتجيب
............. ترى علـــوم الطيب عند الرياجيل محسوبه


هالله هالله كلام كبير ياعم اسسسسسسستلم ,,

يالقاضي الي فالقضيه غدا مالك مطاليب=ماودي انهبها على شان ماتصبح نهوبه
قد قالها عمك قبل يمتلي في راسه الشيب=ماني براضي دام فعل الشريعه مارضوبه

راعي الثنيه حيااك الله,,


تحياتي وشكري لك .

لا والله الا نبى نحكم على الـــــروس اللواليب
................. ونفكر ابراي في روس العرب ما فكروبه
والرجل ياقف ولو تطلع عليه الشمس وتغيب
................. لا مد يمناه ما يرخي يمينه في جــــيوبه

لا والله الا نبى نحكم على الـــــروس اللواليب
................. ونفكر ابراي في روس العرب ما فكروبه
والرجل ياقف لو تطلع عليه الشمس وتغيب
................. لا مد في يمناه ما ترتخي داخل جــــيوبه


طيب ياطيب ,,

عزالله انك من رجال ٍ على الضده مغاليب=مير البلا شرق الوطن مانفع بلوة غروبه
جتك الرساله والرساله لها سلم وتواهيب=ياجعلها فالعز تبقى وفي صدر النحوبه

صح لسانكم يامبدعين
متابعة لكم

حيااك الله يابنت الشيووووخ ,,

صح بدنك وقلبك ولاهنتي على حضوورك المضئ ومتابعتك المضئيه ,,

كل الشكر لك والتقدير.

انته وانا من رجال الطيب عكفـــــان الاشانيب
.................... شاعر وفاهم واعرف الشعر واميز دروبه
والصقر دايم يجيب الصيد من ضرب المخاليب
.................... ويوسع الصدر في جول الحباري لا غزوبه


صح السانك اخوي خالد وبيض الله وجهك
تشرفت باللعب معك وتصبح على خير انت والجميع

حياك الله اختي الفاضله بنت الروقه

صح بدنك ولا هنتي على الحضور


تصبحون على خير جميعا

اقتباس المشاركة الأصلية كتبت بواسطة فهد ثامر البقمي انته وانا من رجال الطيب عكفـــــان الاشانيب .................... شاعر وفاهم واعرف الشعر واميز دروبه والصقر دايم يجيب الصيد من ضرب المخاليب .................... ويوسع الصدر في جول الحباري لا غزوبه صح السانك اخوي خالد وبيض الله وجهك تشرفت باللعب معك وتصبح على خير انت والجميع

سالم وغانم وصح الله بدنك وصح الله لسانك وقلبك وكلك ولاهنت ,,


الشرف لي طال عمرك وبلا شك عريب جدود يابو ثامر والشك عنك زايل والله يعلم لاكن تخبر المزح واوضاعه لك كل الشكر وكل التقدير يالغالي وتصبح على سعااده يارب وكل خير من الله انت ومن حضر، لكم خااالص الشكر مني وفال الجميع خير ان شاء الله ,,

تقديري لكم ووافر احتراامي وخالص تحياتي لكم .

صحت الالسن
محاورة من اتمع المحاورات،

فديت قلوبكم يا شعارنا ،،


تم الاقفال،،