قصيد نصح بن فطيس

قصيد نصح بن فطيس

إضحك وفـلّ حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..

مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..

لـو كانـوا اصحابـك يضـاهـون ملـيـون
.........نــق الكـفـو منـهـم وخــل السطيـحـه..

ولا تشتـكـي للـنـاس لوكـنـت مطـعـون
.........(والـذم مـن بـعـض الخـلايـق مديـحـه)..

ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..

لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..

وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..

والكـبـر لــو بــه فـايـده فــاد فـرعــون
.........ومــن ذاع ســرّه بـشّـره بالفضـيـحـه..

والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..

انفـض همـوم القلـب وابليـس ملـعـون
.........وان ضاق صدرك ارض ربي فسيحه

المصدر: الملتقى الجماهيري للشاعر محمد بن فطيس المري

صح لسآآآآآنه قصيده في قمه الروووعه


الله لا يهينج

ابن فطيس دائما مايفاجئنا بقصائده


لاهنت يارحيمه وبيض الله وجهك


لك اعذب تحياتي

رآئعه من رروآئع الابدآع ابن فطيس

صح لسانه وصح نبضه ..

دمت سالم ..

رحيمه


لاهنتي عافاك الله على الذاائقه منك


وصح الله الساان ابو حمد


ودي لك