(يا عاذلي) جديد بن فطيس

(يا عاذلي) جديد بن فطيس

اخر ما جادت به قريحة شاعر المليون الشاعر محمد بن فطيس







يا عاذلي عرّضتني صالي اللوم
شويتني؟..جعل المرض ينفخ شواك؟


قد لك سنه... تنفث على صدري سموم
تبغي تميت الحب... لكنّه اعياك


والمشكلة... انك قريبٍ ومن قوم
لولا غلاهم كان شيّنت ممساك


والسمع ..عن عذلك مرقّم و مختوم
مختوم بالظن الحسن... عن دعاواك


ودام الحبيب بواجب وصاله يقوم
ما همني لومك و كيدك و شكواك


الوصل ...قوّى فيني آمال و عزوم
و أنعش عروق القلب... وآذاك و اذواك


والا الجفا ...في منطق العشق مذموم
لانّه يْعَـــدْ أقـــصر طـــريقٍ لمســـعاك


و يا قلب ...ياللي من -جفا الزين- محروم
جعل الولي من لوعة البين ياقاك


اليوم جوّك صافيٍ ما به غيوم
وبكره مَ نعلم يمكن تغيّم أجواك


يمكن تِخِيل غيوم فرقا ..على يوم
شدّة دويّ رعودها.. تجلط دماك


وتمطر عليك آلام و احزان و هموم
تِنبِت على قاعك من الضيقة ..اشواك


و تصبح خراب ...وينعق بداخلي بوم
يسكن ضلوع الصدر... ياكل بقاياك


يمكن؟ ...ولا به في الهوى شي مجزوم
"واللي يصيبك لو تتقيت ما اخطاك"


ويا زين... حبي لك على اللوح مرسوم
و مدري اذا مكتوب في اللوح فرقاك


خايف... فراقك في قضا الغيب مقسوم
فعاون دعاي برد فرقاك...بدعاك


والله يعافيني ويستر علي دوم
من صدتكيا سيّد الغيد و جْفاك





منقووووووول من الايميل

المصدر: الملتقى الجماهيري للشاعر محمد بن فطيس المري

و يا قلب ...ياللي من -جفا الزين- محروم
جعل الولي من لوعة البين ياقاك



صح الله لسااانك والله يا بو حمد


لا هنتي يا فوضاويه

الله تصوير ابداعي ..

شكرا

فوضاويه


الله لايهينك على النقل الجميل


وصح الله الساان ابو حمد مدد بلا عدد



ودي لك

الله الله , صح الله ألسان أبو حمد
و أشهد بـ الله إنها أفضل قصايده .

لاهنت ِ ..

ما شاء الله عليك

مبدع يا بن فطيس .. صح لسانك

و لا هنتي يا فوضاويه على الاختيار الراقي