محاوره بيني وبين الشاعر بخيت السناني

محاوره بيني وبين الشاعر بخيت السناني

هذي محاوره بيني وبين الشاعر بخيت السناني ليلة البارحه
.. لعل الله يشفيه عاجلاً غير أجل
ــــــــــــــــــــــــــــــــــــــــــــــــــ ــــ
بخيت السناني
سلام ردية وفاء بالليل ماهو بالنهار ** لكنها مثل القمر وسط الظلام مولعه
يقول من مر المداين ماسمع صوت الحوار ** اللي يقولون العصر يقرع وكلاً يسمعه


عبدالله السناني
يامرحبا ترحيب ياصل بيت بيت ودار دار ** واللي على سطح القمر لابدنا مانطلعه
ان كان مريت المداين عجل وعطنا القرار ** وان كان مامريتها هرج العرب لاتتبعه


بخيت السناني
دام البقاء واللي يطالع فاليمين وفاليسار ** يلقى كلام الناس عكس الحاجه المتوقعه
هذي حقيقه حطها عندك بعين الاعتبار ** انا اتكلم من حقايق والحقايق مقنعه


عبدالله السناني
تبغى الصحيح اني سمعت علوم واجريت اختبار ** مير النتايج جاتني عكسيه ومتفرقعه
مره نقول ان الهدف مضمون من عند العيار ** ومره نقول ان الهدف صعبن ولابه منفعه


بخيت السناني
مايحذفون الشجره الا اللي يحبون الثمار ** المثمر الله يمّنه والثاني الله يقلعه
ماحر من دمع اليتاما غير دمع الانتظار ** ياما انتظرنا نلتفت بالطايرات المقلعه


عبدالله السناني
تبقى الرجال رجال مذكوره مع طوال العمار ** واللي يدور نهاية الرحله يعود لمرجعه
ياما صبرنا لاكن الاوضاع من خلف الستار ** نعلم عن الظاهر ونجهل ويش خلف الاقنعه


بخيت السناني
الجو متعكر ويازين المطر عقب الغبار ** والغيث رحمه شامله للدار والعجه معه
ياصاحبي ماكل صاحب دقن يعرف قندهار ** لكن يلقى العلم عن اصحابه المتطوعه


عبدالله السناني
البرق يبرق شرق والمزنه على هاك الديار ** مزنه قويه والوكاد ان الديار مربعه
هذي حقيقه واعتبر ياصاحبي ماصار صار ** راضي بها راضي بها بالضيق ولا بالسعه

المصدر: الملتقى الجماهيري للشاعر محمد بن فطيس المري

كلام كبير

والصراحه المعنى مدفون يحتمل اكثر من وجه


صح الله لسانك ولسان بخيت اللي نتمنى انه يرجع للميدان

شكرا لك

هلا ياعبدالله ..
بخيت من فحول القلطه .... الله يشافيه ....

-
-
لاهنت ..

صح السنتكم

والله يشفي بخيت السناني

يعطيك العافية

يعطيكم العافيه على المرور , لآهنتم وصحت ابدانكم

صح لسانك ولسانه

واشكرك على هــ الكلام الجزل

تحياتي

صح لسآانك عبدالله وصح لسآنه بخيت
محآوره رآائعه
والله يشفي بخيت ويحفظه لأهله ومحبيه

شكرا خيوو الله يحفظك يآارب

يبو عابد انت راس حربه مافيها كلام صح الله لسانك وصح كلك وصح لسان رفيقك شاعر قوي
وربي اعجبني الفتل والنقض محاوره ذات معنى وذات صلافه حاجزيه

اشكركم جميعاً على المرور

والله يعطيكم العافيه

(محمد الشريف )

دور لنا فرصه ثانيه , تراني فاضي هالاسبوع

الله اما آآآآآآآآآآآمين

صح الله لسانك ياعبدالله ولسان بخيت

شهادتي فيكم مجروووحه

لاهنتووووووووا