بنت برقا

بنت برقا

بنت برقا يا جماعه تطلب البيت المثالي
صوب حرٍ ما لقينا له شبيه ولا تشابه

قلت جاك الوصف غالي لو طلب نعطيه غالي
حي مرسالٍ وصلنا حي تعبيرٍ لفا به

الله اكبر يوم هديت الفكر ثم طار عالي
يشبه الحر القطام اليا هوا يدمي صوابه

المناكب واسعه والنايفات لها تلالي
والمواسي حدها يقطع وصدره به رحابه

حي بوز يوم ينهش فاللحم مثل السلالي
والمناخر واسعه مثل الكباري جوف غابه

افجحٍ كن دق صدره نقشة امات الدلالي
جل سبحان الذي صور وبخت اللي مشابه

حرٍ متمم عليه من المزايا كل حالي
احرش وصياده يفج النحور بلا غرابه

جيت لك بالوصف ياللي جيت تطلبني مقالي
بس فالتصميم لا تدخل مسيقاكم لبابه

لكن اللي باقي عيون الوحش تسلب خيالي
لا تلوموني لو انه ضاع من راسي صوابه

ابحر بموجٍ قتامه في ظلام الليل سالي
يا عذاب القلب يوم اشوف عينه يا عذابه

بنت برقا جاش مكتوبي عن الحر المثالي
كم تمنيت اني اتقناه واقصد في جنابه

المصدر: الملتقى الجماهيري للشاعر محمد بن فطيس المري

صصصح لسانك كفيت ووفيت وتستاهل بنت برقآ

صح لسانك يا ذوق ،،
ابدعت وامتعت ، بحق،،

صح لسانك ولاهنت على الطرح الطازه
ودي

صح لسانك ولاهنت ياشنق

حياك الله الاخ شق ونق ,,

صح الله لسانك وصح قلبك وكلك ولاهنت قصيده وافيه وصف وافي وتستاهل القصيده بنت برقا ,,

شكري وتقديري لك .

^_^

اسفه على التأخير تو انتبه لها وانا اصمم

صح السانك واعتلى شانك

ويسلم لنا فكرك وبنانك

ابيات جميله بجمال حضورك بيننا

لك خالص تقديري وتقييمي

صح لسانك وصف مميز

امممممم

عندي ملاحظه كونك تكتب في هذا القسم ولو ان ابياتك تعدت هذي المرحله فانت شاعر مايحتاج

الفاظ الوصف فيها شيئ من التوتر والحده

يعني تقدر توصف باريحيه ويكون وصفك مشابهه والطف ولا يقل عن المستوى

ويكون اكثر تناسق من التنافر اللي هو عليه


اشكرك شنق ونق

صح لسانك ولااااا هنت أبيات رائعه تستحق التصميم
وبنت برقا تستاهل الخير
تحياتي وتقديري
ترانيم