بسم الغلا والمحبة جيت لك لافي .. قصيدة بعد الغياب

بسم الغلا والمحبة جيت لك لافي .. قصيدة بعد الغياب

مقدمة


غبنا ورجعنا بعد غيبة ومدة
والحمدلله ماتخيّب جهدنا
جينا وجبنا الفوز فوق الاشدة
والكل بأسم الطيب عاش وشهدنا
بقولها والقول للكل اعدة
بقولها للكل بالفوز عدنا
لكن سؤال وطالب اليوم ردة
احدن فقدنا والا محدن فقدنا؟

سلام عليكم

مسائكم خير يارب

قصيدة بعد الغياب الطويل

اعتذر ولعل القادم افضل ان شاء الله

اقدمها ولعلها تروق لكم

يقول:

بسم الغلا والمحبة جيت لك لافي
شايل معي شوق هالعالم هذا كلة
جيتك وانا ضيف طامع في كرم ضافي
وانته كريم ن جميع اشواقي تدلة
تلقى الوفا فيك زايد مجلس ن دافي
وقهوة دلالك تزيل الهم وتشلة
ياصاحبي قهوني من بنّك الصافي
اللي مرارته تبري فيني العلة
انا اشهد انك ماتعرف وضعي الخافي
والا بشوفك تعود ووصلك تسلة
لني وثقت ان قلبك صادق ووافي
كوّن بأسم المحبة مذهب وملة
ياصاحبي عيشتي من بعدك تعافي
انا اشهد انك هناية والغلا كلة

وسلامتكم

المصدر: الملتقى الجماهيري للشاعر محمد بن فطيس المري

رائد العصيمي
يا هلا وغلا فيك والحمد لله على السلامة
وحياك ربي وحي ما جيت به
صح الله السانك وعتلا شانك ابياات جميل من شاعر اجمل
لاهنت وبيض الله وجهك ياا الغالي
تقبل مروري المتوااضع

لني وثقت ان قلبك صادق ووافي
كوّن بأسم المحبة مذهب وملة
ياصاحبي عيشتي من بعدك تعافي
انا اشهد انك هناية والغلا كلة


الحمد لله على السلامه ومن طول الغيبات جاب الجزايل
وصح لسانك وبيض الله وجهك على القصيده

وانت سااااااالم وغاااانم ,,

وعليكم السلام والررحمه ,,

هلا هلا ومرحبا مليووون بشاعرنا الجززل راائد العصيمي حيااك الله وعسى الغياب على خير ,,

صح الله لساااانك وصح قلبك وكلك ولاهنت وافي رحت وجيت وافي ويعلم الله اني فررحت بجيتك يالقررم وعسى هالغياب على خير ان شاء الله ,,

شكري وتقديري وافر احتراامي لك وياهلابك مره اخرى .

عودة جميله وقصايد اجمل وشاعريه راقيه صح لسانك
شاعرنا رايد العصيمي

سلآمة آلاسفآر يآرآيد
صح لسآنكـ يآلغآلي
تقبل مروري آلمتوآضع

الحمد لله ع السلامه اخوب رائد

وصح لسانك مليون لاهنت

ماشاء الله . . صح لسآنك رائد وياهلابك خيوو
والحمدلله عالسلامه واخر الغيبات ان شاء الله
ابيآت رآئعه من شاعر أروع مبدع رائد
الله يحفظك ويحميك يآرب

مرام العز من طــيـب المجاني
وراع الفـــوز تشهد له فعوله
هلا باهل الشعر واهل المعاني
هلا بابن الكرم وابن الحموله
ألا يا صاحبي ليــتــك مكــاني
ولو لحضه وتعني ويش اقوله
ترى الفرقى مثل حد السناني
ولا كلّــن يجــاوزها بسهوله
يهوّنها عــلــي لمّــه خــواني
وأقوم أخذ بهم صوله وجوله
طلــبــتـك لا تغيب بــيوم ثاني
ولا تلعــب معي دور البطوله


( تعبير بسيط عن مرارة فراقك)
( والله لك وحشه يالخوي)
عساها اخر الغيبات ، ولا هو غريب عليك الفوز فأنت من هله ...
صح لسانك وسلم بنانك الذي لا يكتب الا الحروف الذهبية.
فهد الهبآش،،

شاعرنا المبدع رائد العصيمي
أرحب تراحيب المطر ولا يسدون
دام رجعت بالسلامه ما كانك غبت لان رجعت المميز تمحي غيابه
صح احساسك ولسانك وكلك
تقبل من التحيه اغلاها ودمت بود
ترانيم