قصيدة من الشاعر البخيت السبيعي إلا بن فطيس - الملتقى الجماهيري للشاعر محمد بن فطيس المري

#1 05-28-2012, 10:16 AM

قصيدة من الشاعر البخيت السبيعي إلا بن فطيس

بسم الله الرحمن الرحيم

السلام عليكم ورحمة الله وبركاته

قصيده كتبها الشاعر الكبير مبارك البخيت السبيعي بعد فوز الشاعر بن فطيس بالبيرق ولقب شاعر المليون ..~
الشاعر الكبير البخيت السبيعي صاحب القصيده المشهوره والتي نسبت للعديد من الشعراء ولكن الحق يبطل الباطل دائماً ..~

خلقت فالدنيا وانا مامعي شي **** وبروح منها مامعي شي منها
مسكين ياللي تحسب الواجد شوي **** العافيه لو تنشرى وش ثمنها

أترككم مع قصيدته في الشاعر الكبير بن فطيس ..~


	أنا أحفظ لساني من الخطا واحبسه تحبيس ** ولا أبغى لساني ينفلت من محابيسه ولكن لاشفت المرامي على التتريس رميت الهدف لاسانعت لي متاريسه نجح شاطي الراحه ولا أحد طلع فليس ونجح صاحب الفكره بفعله وأحاسيسه ونجح شاعر المليون وابعد عن التغريس رفع راية الجمهور وابعد وساويسه بعد قام ابو خالد وثبت له التأسيس وضع له برامج في نجاحه وتاسيسه وضع له علم مرفوع مايقبل التنكيس ونجح شاطي الراحه ونجحت كواليسه سلامي سلام ياصل الشاعر ابن فطيس بعد فاز بالمليون واشعل فوانيسه عطوه العلم والفوز متلبسه تلبيس ويستاهل ابن فطيس فوزه وتلبيسه سموه المحيط اللي غويط ولاله قيس محيط غويط اعماق ماينلحق قيسه كسبها فراسه ماكسبها ورا التدريس ولاهو من اللي ياخذ الشعر تدريسه خذاه وتبرع به ولادخله بالكيس ولاحطها رصيد يملا بها كيسه على موقفه يستاهل الحب والتقديس ويستاهل ابن فطيس حبه وتقديسه تقدم له القعدان ماينذبح له تيس ويفداه من وفر خروفه مع تيسه بيوت الكرم لاهل الكرم ماتبي تلييس وبيت الكرم يعرف ولو قل تلييسه كلامٍ نقوله صدق ماهو على التوجيس ولاني من اللي ياخذ الهرج توجيسه نبارك لكم بالفوز يافارس الفريس ومن عادة الميدان يطلع نباريسه كلامٍ على معناه ماهو على التلميس ولانيب أقوله لأجل أدور بهانيسه وانا من سبيع اللي لها بالوفا تكريس لهم ماقفٍ بالطيب معروف تكريسه وكل القبايل طيبهم مايبي تقويس وكل على ماقيل تعرف نواميسه انا شاعر وشايب ومقبل على الترويس واتابع مجال الشعر واجلس مجاليسه واحب الرعد والبرق والمنظر الأنيس اسلي بها قلبٍ كثيره هواجيسه ولانيب أحب الهمز واللمز والتدبيس وبعض المكان اللي كثيره جواسيسه ولو قالو انته عبد ولا انت راس غليس رصاصي مكفيني وعندي نواديسه أنا عبد للي ماخلق للنعامه ديس وكل يعرف الطير محد نظر ديسه احب أرضي الرحمن وازعل جنود ابليس ** ولا اعارض اللي مغوي رايه ابليسه

المصدر: الملتقى الجماهيري للشاعر محمد بن فطيس المري

05-29-2012, 02:39 AM

مرحبا به ومرحبابك يالمصدر الاول

صح لسان الشاعر ونعم فيه وفيك .. ولا عليكم زود .. وابو حمد يستاهل .. لاهنت على نقل القصيده شاعر جميل واستمتعنا بقراءة نصه الله يعطيك العافيه

05-29-2012, 08:31 AM

ياهلا بك والله ..~

الشاعر البخيت السبيعي تشرفت بالجلوس معه قبل فتره وقرأت إحدى قصائده والتي كانت موجهه إلا الشاعر المحبوب إبن فطيس فسألته هل وصلت إليه فقال لا قلتها وأحتفظت بها ..~
وإبن فطيس يستاهل ويستاهل أكثر الله يحفظه ..~

الاوسمة · 05-29-2012, 09:06 AM

الله عز الله جابها على الجرح صح السان السبيعي وصح بنانك على نقلك لها
شكري وفآق احترامي وبن فطيس يستاهل شكري

خلقت فالدنيا وانا مامعي شي..وبروح منها مامعي شي منها
مسكين ياللي تحسب الواجد شوي..العافيه لو تنشرى وش ثمنها

بيتين حكمه قصم هع هع ^^

05-29-2012, 05:16 PM

صح لسان السبيعي وتسلم يدينك ع النقل

ابداع×ابداع

لاهنتو جميع

05-29-2012, 06:39 PM

صح السانك وبيض الله وجهك

الذين يشاهدون محتوى الموضوع الآن : 1 ( الأعضاء 0 والزوار 1)