قصيدة العبد والسيد

قصيدة السادة

قصيدة راقتني




من قال أنا سيد ترى العبد موجود **** وش ينفعك وقت ( ن ) تسيدك عبدك



لافات عمرك مستحيل ( ن ) بك يعود **** ماتنفعك حسرات عمرك وجهدك



أحيان بعض الهرج لازم له حدود **** لاجات كلمه من صحيب ( ن ) تهدك



لاصكتك ضيقه تدوره مفقود **** بعض الأوادم علة ( ن ) فوق كبدك



لاكنت مبسوط ( ن ) تلاحظه مشهود **** والود وده يلطمك فوق خدك



ماصابه من المرجله رقم معدود **** تقدر على عده ويزرى يعدك



ودك بقصف العمر فيهم ولايزود **** صوب الرديه وده اليوم شدك



لكن تسامى عنهم وأكسب الفود **** لاتتركه يقرب لبيتك وحدك



يكثر من حلوفه مع جملة وعود **** لايسمع الصيحه بجالك يهدك



إبليس دايم فوق صدره وبجنود **** يحسب حساب إنه قرينك وندك



لاتاخذ بعلمه ولو كان مسرود **** ولاتخبره سرك يبيح بسدك



يلحق مواقيفك بنكران وجحود **** هذا حصيل اللي جنيته بيدك



ترى العظيم اللي تسمى بنمرود **** مات بعذاب ( ن ) ماتوقاه زندك



الطايله متوارثه من ثرى جدود **** وأما أنت مانعرف لساسك وجدك



العز بيته يعمره راعي الجود **** ليتك تعرف مكان قبرك ولحدك



كل ( ن ) بيجيه الموت في يوم موعود **** وتسكن بحفره تمتلكها لوحدك


منقوله للشاعر أحمد بن عطيه البيظاني

المصدر: الملتقى الجماهيري للشاعر محمد بن فطيس المري

روعه كلك ذوق يسلمو

تسلم على النقل لاهنت