 « آخـــر الـــمـــشـــاركــــات » |
 |
 |
 |
|
|||||||
 |
 |
 |
|
|
أدوات الموضوع | انواع عرض الموضوع |
|
#1
05-26-2012, 03:14 PM
|
||||||||||
|
||||||||||
قصة من الواقع مولمه ذكريات الأمس
السلام عليكم ورحمة الله وبركاته
راح اقص عليكم قصه من الواقع والمعذره انا باتكلم بالعاميه ما اتقن الفصحى واستروا ماواجهتوا من اخطاء راح اقص قصة بنت عاشت مع امها وابوها كوحيده وكان معها خو من ابوها ولكنه عايش في مدينه ثانيه من زمن المراهقه لكونه عانا من معاملة عمته زوجة ابوه وكان الأب قاسي عليه وكانوا يميزون البنت عليه وتعتبر دلوعة اهلها كانت تعيش في حياه مرفهه شوي عن باقي البنات كانت بنت جميله وتمتاز بجمال الكل يشوفه المهم كل الناس تسولف عنها وخاصة الرجال وكانوا الشباب كل واحد يبغى يقرب منها بس انها بنت ماكل واحد يوصل لقلبها حيث انها تمتاز بالعنف نوع ما وكانت من البنات اللي ماتعطي احد وجه على قولتنا المهم كانت هناك بنت تمتاز بجمال غير عن كل الجمال اللي نعرفه بنت جمعت مابين الجمال العربي والجمال الهندي فكانوا يطلقون عليها الهنديه كانت متميزه وذكيه كانت البنت الأوله قد سرقت الأضواء ن بين كل البنات ولكن عند ما جات البنت اللي مواصفاتها تفوق الوصف تبدل حال البنت واصبحت تخاف ان الناس تلتفت لهذي البنت اللي كانت تمتاز بالسمار العربي عكس لوله اللي بياضها اصبح اسطوره المهم كان الشباب اللي بالمكان هذا يتمنون قرب البنت لوله وللمعلوميه ماكان فيه حجاب بس شيله على الراس وتمشي البنت ماحد يعترض طريقها يمكن كان الناس تخاف في هذاك الوقت وما يحصل الا النظر فهو القنبله وما اردى بالانسان للمهالك غير عينه المهم جات البنت الثانيه تمشي بطريق عام في المكان اللي تسكنه وبالصدفه كانوا الشباب خارجين كمجموعه وكانت من عادة البنت هذي ان تتلثم يعني مثل اللي انشوفهم الحين باللثام بالرغم ان جميع الحريم بالعاده ماتحط لثام في وقتهم بس من زود احترام هالبنت كانت خجوله المهم شافوها الشباب واصبحوا يهوجسون فيها وصارت حديث المكان الغيره احيان تودي للمهالك وتعمي القلب كانت البنت لوله مخطوبه وكان عند خطيبها اخ بس انه كان حديث البنات ليس لوسامته فما كان يمتلك الوسامه بل كان يمتلك الجاذبيه وقوة الشخصيه لااعرف وش اللي طيح البنات عليه  كان هذا الولد يعرف ان كل البنات تحبه وكان يشوف نفسه بس لما شاف البنت الثانيه ضاعت علومه واصبح مجنون ولكن البنت ماكانت تعطي احد وجه لعل عزة النفس عندها وشموخها خلاها تمسك بزمام الأمور بالرغم ان القلب لايركن عليه بس هذا اللي حصل اخذت الغيره تدب بقلب لوله حيث ان اخو خطيبها جذاب وماتحملت انها تسمع انه معجب بالبنت الثانيه وتخلي السالفه تعدي لكون بينهم منافسه في الحياه هذا و دخل الشيطان وحضر واصبحت ترسم على اخو خطيبها تبغاه بدل اخوه كان خطيبها مسافر لظروف وكان يحب خطيبته ويعتبرها منيته ولكن الغيره والشيطان لادخلت خربت كل شي المهم الولد من الطبيعي انه يروح يشوف زوجة اخوه وش هي محتاجه لكون اخوه هو اللي يطلبه بالذهاب لكون الثقه موجوده الولد شكله حب البنت من قلبه والبنت كذلك لأنها بدأت تعطيه وجه وكله من الغيره من البنت الثانيه يمكن لأن الولد مافيه بنت ماتمنته وتبي منه نظره الله اعطاه هالجاذبيه مو بكيفه بالرغم من وجود اللي اجمل منه بكثير ولكن هذا اللي حصل بدأ الولد يحارب رغبته بشكل مو طبيعي واصبح يخفف من مجيه صوب بيت خطيبة اخوه وقرر انه يخطب البنت الثانيه لكونه اعجب فيها بشكل كبير وقال اخذ هذي واقطع هواجيس الشيطان اللي تحدني اعجب بخطيبة اخوي والبنت اللي نوى يخطبها وهي الثانيه اللي حكيت عنها كانت تمتاز بمواصفات نادره جدا في البنات لعل اولها جمالها وحسنها ولكن كان النصيب يعيي تقول البنت ذي ماتنكر انها حبته ذيك الأيام ولكنها مابينت حبها له ابدا وكانت مثل الفرس الجموح فهو طبعها راح الولد يطلب يدها من ابوها بس للأسف رفض الأب وقرر الأب انه يعطيها ولد عمها وتزوجت وكانت على مضض كانت تتمنى الولد اللي رفضه ابوها ولكن النصيب ماكان مقدر حزن الولد وكل راح في حاله بقيت البنت تخطط كيف تخليه يحبها ويترك القيم اللي تمنع ان الواحد يحب خطيبة اخوه ومن هالكلام ان كيدهن عظيم مقوله جات في القرآن والله اللي يعلم بالنسا واخبر فيهم قال ت تعال يافلان ابيك تجيب لي بعض الأغراض من السوق وكانت قد تجملت ولكن ماكانت تدور على الخيانه اللي نعرفها اليوم تبغى تتملك قلبه بحيث يحبها المهم شافها وهي بنت جميله وكانت تحاول انها تخبره انها معجبه فيه وعاد الشيطان حاضر قالت يافلان تراني ميته فيك واخوك مالي نصيب فيه والله مابي في الدنيا سواك قال العيب والشرهه كيف احبك وانت زوجة اخوي وكله كم من شهر وتتزوجوا قالت هذا اللي جاك والله ان حبك اصبح في القلب مثل السهام المهم حاول الولد يتجنب هالكلام بس ماقوى البنت وجمالها خلته يطيح المهم حبها الحب الحقيقي واصبحت قصته هو وياها تعم المكان والكل شره عليهم ماكان يردعه كلمة عيب حيث قلبه تملكه الحب اصبح يروح ويمسي عندهم وعرفت امه بالقصه واعلنت تبريها منه وعرف خوه وزعل وقال كيف اركن عليك وارسلك تشوف وش عليها من ناقص وبالأخير تحبها قال والله اني لو ما اتزوجها ااني ما اعرف النسا تخلى عنه اخوه وقال انا بري منك لاانت اخوي ولا اعرفك وكان الولد صاحب سمعه والكل ياخذ بشوره بس بعد هالقصه طاح من عيون الكل وصار مضرب للخيانه المهم امه قالت ياولدي ياتختارنا ياتختارها قال اختارها ومرعام واخذت امه هي واخوانه بتربيطه في البيت وسجنه وضربه وراحت امه وقالت لأبو البنت لوفيكم خير ماحاولتوا تبدلون الأخوان وتخربون علاقتهم وكان معها بندقيه ورفعتها بوجه البنت وبغت تقتلها وعندما خاف الأب على بنته قال ياام افلان تعوذي من الشيطان قالت انت وبنتك الشيطان والله انها لا تزوج ولدي ان اقتلها واذا انت خايف على بنتك خلها تروح بطريق عن ولدي خاف الأب على بنته وقرر انه يزوجها لولد خالها اللي هو صديق الولد واخذها ليداري المشكله وعاشت معه سنتين ومن ثم طلقها لكونها ماحبته اما الولد فزوجته امه من وحده والله هداه بس بعد ماتزوجت البنت وراحت قال كيف تزوجت وخلتني بعد ماتفشلت في خوي وزعل منها ماكان يدري ان امه هي اللي هددتهم واصبح الندم يملا قلبه وقرر انه يلتزم وحاول يراضي خوه بس خوه اصبح قلبه مجروح وجرحه مايداويه كلمة اسف والا المعذره منك لأن المعذره في مثل هالموقف تصبح مشللوله وبذلك انتهت القصه بزواج الولد وسفره لمدينه ثانيه وقطع علاقته بخوه ومن هذي القصه نقول القلب مو لازم يجرف الانسان عن الصواب مهما كان الحب ومهما كان الموقف اعرف الحب اعمى بس هناك حدود تمنع لعل اولها هي الخيانه لخوك والا لقريبك والجنسين كل ماكانوا بعيدين عن بعض كل ماكانت الحياه احسن وكان الشيطان بعيد لامجال للحب في مثل هالمواقف تشتت اسره ومات الحب بلحظه وبقي العيب يساير الشخص لامماته وفقد حب اخوه وفقد ثقته فيه فلا اظن انه بيثق فيه و يدخل بيته في يوم اتمنى ان قصتي الواقعيه تنال اعجابكم ونصيحه القلب مو كل شي العقل ثم العقل ثم العقل حتى مانخسر احد ذكريات الأمس 
داروا على كسر القلوب فإنها
مثل الزجاج كسرها لايجبرُ 
|
|
06-06-2012, 12:24 AM
|
#2 |
|
عضو مجلس الادارة
|
رد: قصة من الواقع مولمه ذكريات الأمس
اممممممممممم
احداث دراماتيكيه جميله والله البنت الزينه اذا رسمت على الواحد بغنجها تجيب خبره هذا رايي كان من الافضل على الاخو لما يجيهم مايشوف البنت الا اخته بشرع الله وللاحتياط يحط قلبه في البيت قدام يجيهم والبنت كان من الواجب عليها تحافظ على خطيبها بغيابه لكن الشيطان حريص والحمد لله على كل حال واعوذ بالله من حال اهل النار اشكرك شكر وافي على ماامتعتينا فيه من طرح شيق لاهنتي |
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
Rss Rss 2.0
Html
Xml Sitemap SiteMap
Info-SiteMap
Seo By RaWABeTvB_Seo
الساعة الآن 09:11 PM
