حرك سكون القلب واهج هجوسه ,,

حرك سكون القلب واهج هجوسه ,,

بسم الله الرحمن الرحيم ,,

السلام عليكم ورحمة الله وبركاااته ,,

اسعد الله جميع اوقااتكم بكل خير وكل سرور وسعااده ,,

اقدم لكم قصيده قديمه جدا ً وكانت اول قصيده نشرت لي في جريدة همس القوافي عام 1424هـ ولادري والله تاريخها متى لكن على بداية الصيف على ماظن ,,

وسبق ان جاراها الشاعر حمد مبارك المري والشاعر سلمان نواف الحربي والله مايحضرني قصايدهم بالرغم اني طلبتها منهم ولاكن ماجاتني ,,

لكم القصيده وكلي امل ان تنال اعجابكم ورضاكم ,,

حرك سكون القلب واهج هجوسه=يوم استوى للشعر حبر ٍ وقرطاس
يعلب على متن القصيد ويدوسه=هجس ٍ على بحر التماثيل غطاس
يزها جنابه وافر ٍ مايحوسه=مايتعبه من هومته بعد الارماس
أهل الشعر فالشعر لا ماتروسه=رواس لاواجه مع القيل رواس
من عمق فكر وطيب ظني وجوسه=ابني بيوت الشعر ساس ٍ على ساس
في ليلتن بالذكريات محسوسه=تلفي على قلب ٍ من الوقت حساس
شاف اللذي عافه وغير طروسه=في ساعة ً منها الرجاء ينقلب يأس
ذكرىً لها من سالف الجيل غوسه=يضوي سناها لاضفى ليل الادماس
قضيت عمري فالزمان ودروسه=اصارع ايام ٍ عنيدات وشراس
مر ٍ على كبد المولع نحوسه=توثق على باب الضماير بالافلاس
والي صفى للقلب من كثر لوسه=خوة رجال ٍ بالوفاء توفي الكاس
ذخر ٍ ليا جات السنين العبوسه=تبذل عزايمها على كل نوماس
الي لهم بالعز غالي لبوسه=تاج وشاح ٍ يعتلي هامة الراس
ماهم مثل من كاد يحسب فلوسه=كسب بماله كلمة ً مالها ساس
خطو الضعيف الي تضاعف فنوسه=بين الردى والذل قد حط مجلاس

وسـلامة نـواظركم ,, خالد العبيريد .

المصدر: الملتقى الجماهيري للشاعر محمد بن فطيس المري

صح الله لسانك عدد بلا مد شاعر وتعرف شهادتي فيك ويكفيني اني
حاجز المركز الاول في الرودود على هذه الشامخه تسلم ولاتندم

.
.

الله الله

صح الله لسانك ياخالد والصراحه قصيدة جزله وتلامس المشاعر

وابدعت في التركيب و المعنى ومن زود اعجابي بها قريتها مرتين

تقديري

.
.

انت مبدع في كل الازمان ورائع ياخالدالعبيريد
شاعريتك مذهله وانت من الشعراء المذهلين
حقيقه حقيقه اكن لك ولقصائدك المتابعه والتقدير
قصيدة تحمل في طياتها الجزاله والابداع
لافض فوك شاعرنا الراقي

أثااااريك عوووود يبو سهيل ههههه
ارحب تراحيب المطر
وحياك ربي يا الغاااالي
شااااعر مطنوووخ وتجيبها من فكر صافي مشاء الله تبراك الله
صح الله الساانك وعتلا شاانك شاعرنا المخضرم خالد
اعجز عن مجاراة هذا الجمال وهذا الكم الهائل من الأبداااع
تقبل مروري المتواااضع اخوك عاامر ال شنيف

مـن عمـق فـكـر وطـيـب ظـنـي وجـوسـه ابني بيوت الشعر ساس ٍ على ساس

وانا اشهد

قصيده ما يعلى علييها من شااعر لاطالما اتحفنا بأبداعاته الشعريه ,,,,

يّ سلام يّ الشاعر العذب .. كــ عادتك مبدع ..
واكيد بتجوز لنا .. الله يعطيك العافية ..

صــح إحسااسك يالغاالي

صح الله لسااااانكـ
لين الرضى
على هذه الدره الراااائعه،،حروف في قمة الروعه
تسلم ويسلم لنا يمينكـ لاهنتـــــــــ

تســـــلم ويســـــــلم من على الطيـــــــب ربـــــــــاك !!
غزارة شعرية وتألق واظح في ارجاء هذة المعزووووفة !!
لك مني وافر الشكر والتقدير على اتحافناء بمثل هذة الدرر !!
صح لساااااانك شاعرناء ونأمل بالمزيـــــد منك !!
دمت بعوووووافي..