مصطلحاتنا ومعانيها

مصطلحاتنا ومعانيها

مرحبا يالله حيهم
جبت لكم بعض أغرب مصطلحاتنا في السعوديةومعانيها
العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...
المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .
السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء
زعّيط : مسوي نفسه يفهم في كل شيء وهو من جنب العارضة
المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...
الخكري : ببساطة الخكري = نعومة + دلع + ليونةويكرة العربجي والله لايبلانا...
اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا.....
العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......
الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...
الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.
الصديع :
اي كلمه في راسه يطلعها ولا يتنباء بأفعاله سواء كانت صح ام خطء

الزااااااحف..إنسان آخذها عرض مبسوط ويبسط من حوله سريع البديهه ولايفوته شئ

الأرفل..من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها

المسلس..هذا المسكت واللي ماتدري وش وراه تشوفه تقول أتلى الأجاويد وهو وراه بلاوي
الرجه..مصرقع مايجي بمكان الا ويرجه بصوته على غير سنع..
اللوح..يعاند على غير سنع..
الشراره..هذا مايجي بمكان الا والمصايب وراه يتسبب على من حوله بالقرادات

الإكه..هذا اللي تصرفاته صح ويعلمك وش تسوي لاتوهقت بشئ..

المطنوخ..هذا تحطه على يمناك يعني تعتمد عليه..

التنكه..هذا اللي يقرقع بس تلقاه يلجلج ولاوصلت الامور أجلد..

القفل..هذا اللي مافيه امل يفهم لو تقعد تشرح له من هنا للسنه الجايه..

الطرمبة من فصيلة الدلوخ

الفدغ أو الافدغ ......من يحاول يستخف دمه ويبيك تضحك غصباً عنك
واذا ما ضحكت من بلاهته يضحك هو الين تحس ان الشي اللي سواه من اجد مضحك
وفي الاخر راح تضحك انت من فداغته
ههههههههههههههههههههه

المصدر: الملتقى الجماهيري للشاعر محمد بن فطيس المري

ههههههههههههههههههههه
اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا.....

جعلك ماتطيح بواحد لزقه

مشكور اخوي على موضوعك رهيب

ننتظر جديدك لا هنت

لاهنت على المرور
لاياخوك انا طحت في مطانيخ شرواك

هلا والله (بسعودي وربي الله ) مشكور والله ضحكتني وفي نفس الوقت عرفت مصطلحات جديده يستخدمها الشباب هالايام تقبل مروري

مشكوووووور والله يعطيك الف عافيه
هههههههههه والله موتني ضحك اضحك الله سنك
وتقبل مروري مع تحياتي الى (سعودي وربي الله)
:بنت سفيان

مشكوووووور والله يعطيك الف عافيه

مشكوووووووووووووورين على المرور عساني ماافقدكم