مادامني عايش وسط عالم هموم..وقصيت في دنيا النكد تابعيه

مادامني عايش وسط عالم هموم..وقصيت في دنيا النكد تابعيه

السسلام عليكم..[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

شخباركم؟


احب اقدم لكم قصيده
بقلمي يارب تعجبكم..


عنوانها(سر ياقلم)


يقول:

سر ياقلم واكتب بيوت( ن) نقيه
ودي اعبر علة( ن) داخليه
مادامني عايش وسط عالم هموم
وقصيت في دنيا النكد تابعيه
اطلق سراح الـحبر مليت مليت
اجامل الضحكات صبح وعشية
اطلق سراحه للبشر خله يخط
كل الامور الي عليهم خفيه
من قلب صافي والزمن ماصفاله
كاويته الايام مليون كيه
يزايم اللوعات صابر عليها
والناس في صبره تجازيه سيه
صابر على طعن القريب لقريبه
وصابر على غدر الخويه لخويه
وصابر على فرقا الحبيب القطوعي
الي خذا من دنيته كل شيه
صابر على اللي يمد له سم علقم
ردآ على تقديمه الشاذليه
وصابر على حقد العدو البعيدي
وصابر على كل الخطأ والاذيه
يسكت لها ماهوب ذل ورخامه
الا بطيبة ظن مع صفو نيه
وان عودت للعزم فالقلب عزام
عنده على رد البرآ مقدرية
لو ان طيب القلب ماله معيشه
وسط الزمان الي يعز الرديه
بار الزمن وانا احسبنه ولد عم
واقف مع الي يكرهوني عليه
واقف مع العدوان في صف ضدي
آثر الزمن مابه علينا حميه
اثر الزمن كفه عن الطيب شامت
واثر الزمن بالشر كفه سخيه
واثر الزمن غدار يبغى اي فرصه
عشان ينقش فالجروح الندية
قم واسترح لاتحسبني رضخت لك
ماهمني مجمل سواياك فيه
لو جرت ياوقت التعاسه وصديت
ازبن ذرآ الرحمن رب البريه

وسلامتكم

تقيمكم وردودكم تجبرنآ على تقديم الافضل

تحياتي للجميع

المصدر: الملتقى الجماهيري للشاعر محمد بن فطيس المري

سر ياقلم واكتب بيوت( ن) نقيه
ودي اعبر علة( ن) داخليه
مادامني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]وسط [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]هموم
وقصيت في دنيا النكد تابعيه
اطلق سراح الـحبر مليت مليت
اجامل الضحكات صبح وعشية
قصيده رااائعه لامست إحساسي

صح لسانك ياأخوي
وتسلم يمينك على هالقصيده الراائعه .

رايد العصيمي صح لسانك

شاعر كفو وفحل شعر الله الله يا رايد

تسلم على هذا الابداع ولا هنت على ما خطته

اناملك المفعمه بالجزاله

قم واسترح لاتحسبني رضخت لك
ولكن هذا الشطر ارجو ان تعيد النظر فيه من ناحية الوزن اخي العزيز

تقبل تحياتي وخالص تقديري

شاعر مميز يا رائد عجابي متجدد بك دائما لا هنت يالقرم لاهنت

صح لسانك وبيض الله وجهك قصيده فيها من الحكم نصيب الاسد .. مبدع وما اقول الا فالك الجنه ..
والبيت اللي اشار فيه الاخ ناصر فيه ثقل ونرجو اعادة النظر فيه .. تقبل تحياتي يامبدع ..

رائد العصيمي

صح لسانك ولا هنت على الطرح

قصيده مميزه بابياتها الراقي

تحيااااااااااااتي

سلمت يداك ع الطرح لاعدمناك

تحيتي لك

بقايا جروح

صح لسانك يا العصيمي

و لا هنت

صح لسانك واعتلا شانك
شاعر قادم بقوّه , الله يوفقك
تحياتى

صابر على طعن القريب لقريبه
وصابر على غدر الخويه لخويه
وصابر على فرقا الحبيب القطوعي
الي خذا من دنيته كل شيه
ابداع في ابداع .. يالعصيمي .. قصيده جزله .. صح لسانك
و واصل ابداعك .. تقبل مروري