سـر ياقلم واكتب من الشعر ماجاز ,,

سـر ياقلم واكتب من الشعر ماجاز ,,

بسم الله الرحمن الرحيم ,,

السلام عليكم ورحمة الله وبركاااته ,,

اسعد الله جميع اوقااتكم بكل خير وكل سرور ,,

اقدم لكم ابيات مرفوعه لمقام الشيخ عبدالله بن حرقان اليامي وذالك عام 1431 هـ والله اعلم التاريخ متى ,,

اتمنى ان تحوز على رضاكم وتنول اعجابكم ,,

سر ياقلم واكتب من الشعر ماجاز=من خاطر ٍ بحر الروابع يلزه
البارحه همي بوسط الحشاء واز=يجهز على قلبي بعنف ويخزه
كنه يخرز ثومة القلب مخراز=والا يصاليني بحامي مقزه
لين اشرق النور وبدت شمس الابراز=وانا على مجلاس حالي وجزه
اصارع اللوعات من قل الانجاز=واردد الونه على كل حزه
قم يانديب ٍ للمواقيف مجهاز=حيثك عن اهل الذل عالي منزه
اركب على الي للمشاوير فزاز=جيب ٍ مثل لون السحاب المشزه
كنه عديم ٍ له على الرجم مركاز=حر ٍ عريض الصدر جبر ٍ ورزه
سبعه ورى الالفين من شكل ممتاز=مطرز ٍ بديه بغالي مهزه
لاولع انواره تلامع كما الغاز=هو غاية الي عن بلاده موزه
تله طلوع الشمس تلة ابن راز=لابد مايعجبك ساعة مفزه
وجهتك للعارض بلا حيد وحياز=معك الكتاب الي كلامي يشزه
ملفاك شيخ ٍ للكرم والوفاء حاز=شيخ ٍ على الطالات عزمه ينزه
في مجلسه شيخان وارجال ٍ اعزاز=والعود الازرق فالمباخر يكزه
طيب وفي طيبه مع الوقت ماهاز=عبدالله الي له بصدري معزه
ابن الرجال الي على الضد تنماز=شيخان يام اهل الجناب المنزه
عطه كتابي وانت سالم يافواز=والشكر والعرفان لك في مدزه
اشكي لعبدالله بعد شفت مالاز=هم وعذاب ٍ في فوادي مخزه
يلعبي الحرمان في كل الانحاز=وصبري قضى مافيه شي ٍ نوزه
اشكي عليك الحال ماني بمعتاز=الا وليف ٍ دونه الباب لزه
اسباب ناس ٍ بيني وبينه احزاز=عواذل ٍ حبل المواصل تحزه
تفرح على فرقى الحبايب وتحتاز=ضيم القلوب الي شقاها مشزه
تكفى يأبن حرقان فالموقف اللاز=مثلك حزام ٍ فالشدايد نجزه
افزع لمن حاله على حال معكاز=وريح المحبه والمفارق تهزه
اما بمال وجاه تسعى وتجتاز=والا بمركاض الاصايل تعزه
انته زبون الضد في كل الاشراز=يشهد على ماقول فعلك وشرزه

وسـلامة نواظركم وقلووبكم ,, خالد العبيريد .

المصدر: الملتقى الجماهيري للشاعر محمد بن فطيس المري

اخي الغااالي الشااعر خالد العتيبي
ارحب تراااحيب المطر وحي الله ما جبت
صح صح صح صح الله السااانك وعتلا شااانك
شاااعر بحر مشاء الله عليك ونص راااقي إلى شخص راااقي وكفو بذكر الطيب
استمتعت بقراءة هذا النص الفاااخر وتنقلي بين شطوره إلى نهاية قوافية المميزة
لا عدمنا يبو سهيل وتقبل مروري المتوااضع اخوك الصغير عاامر

هلا هلا عامر الله يبقيك وياحياك الله ,,

صح الله قلبك وصح بدنك ولاهنت يالغالي وكفوك الطيب يالقررم ,,

ماعليك زود طال عمرك وافي والشك عنك زاايل طال عمرك ,,

كل تقديري وشكري لك يالغالي ووافر احتراامي .

والله ونعم وكفو من عاصي لعاصي عيال حمايل ولا تورد وتصدر الا على ضهور اصايل
صح الله لسانك ملايين يالعتيبي وبيض الله وجهك معنى ومبنى وقافيه ومفردات قويـــه
تسلم وجعلك غني ياخالد والله لايحرمنا مثل هذه الدرر ولايحرمنا راسك
تقبل مرورك واعذذر قصوري واطلق تقييم +++++

صح لسآنك يّ خالد

مع ان بعض الكلمات أستصعب على فهمهنّ

صح لسانك لاهنت
وبيض الله وجهك رحم الله واليك
تستاهل التقييم+++

صح الله لسانكً ملاااااايييين واعتلى شانكً
وبيض الله وجهكً يالقررررم
قصيدة وافية من شخص وافي
ابدعت وتستاهل التقييم +++++

صح السانك يابو سهيل على الابيات الجزله والطيبه

والله ونعم وسبعة انعام بك وباليامي

لا هنت يالقرم

دمت بخير وسعاده

ابو سهيل كثر الكلام لايكمل ولا يجمل وانت عارفن رأيي
في شعرك اللي فوق تقييمي الشاعر كفو واللي مقصود فيه كفو ومثل ماذكر اخوي
عامر ال الشنيف القافيه زادت جمال ألقصيده جمال بس ارجو منك العذر يبوسهيل
هنا بالردود شي شد انتباهي

مع ان بعض الكلمات أستصعب على فهمهنّ

هذا لاقتباس من رد الاخت رمق مشرفه صدى
الملاعب يازين الصراحه وياحبي للكلام اللي
على اصوله لا صنع ولا تصنع مافهمت هذاهو
المطلوب اما اني أجي واقدم صفحه كامله وانا
ماقريت النص أصلن الف شكر اخت رمق انك
رمز من رموز التواضع والاخلاق الله يوفقك
والشكر موصول ل اخي ابو سهيل من خلال متصفحه
اللي ينج ب روايح المسك والعود الأزرق والرياحين

صح لسانك يا ابو سهيل..
الوفاء طبعك ، والجزاله طبع نظمك.. ولبى قلبك..

قافيه ما يجيده إلا امثال خالد ، ومبنى ومعنى ، ومسندة من راس قوم لراس قوم...
تحيتي + تقييمي وتستاهل يالقرم!