مارحت لتويتـر ولا جيـت تكليـف=و برلنقو ما شـد الفكـر بالاغانـي

مارحت لتويتـر ولا جيـت تكليـف=و برلنقو ما شـد الفكـر بالاغانـي

لي مجلسن فيه استمـع للسواليـف=واحسب لجلستنـا جميـع الثوانـي
كم ليلتنا كل السوالف على الكيـف=اسـج فـي عالـم يبرمـج كيانـي
مارحت لتويتـر ولا جيـت تكليـف=و برلنقو ما شـد الفكـر بالاغانـي
لي منهجن ما حدني لجلـه السيـف=اسامره لين اصبـح القلـب انانـي
هذا المعرف ما لـه اليـوم تعريـف=مثل الجبل راسـي بزيـن البيانـي
طيفك يزور العين ما اجامل الطيـف=ونجمك تعـلا يـا سهيـل اليمانـي
احترت في وصف السنيين المراديف=تصلاه شمـس وتشتكـي للمكانـي
هذا هو الواقع ومن غيـر تسويـف=الحر ما حده على الضيـق شانـي
ينوض نوض البرق في حلت الصيف=ويركز مثل سهمن ركـز بالمحانـي
الكلمه اللي منـك تحتـاج تصنيـف=صنفتها من عشـر واربـع ثمانـي
الاربـع الاولـى بداخـل مظاريـف=واودعتها قلبـن وعقـل ولسانـي
والثانيـه تمـلا جميـع المغاريـف=مدة كريمـن مـا يـدور الهوانـي
والثالثه دارت رحاهـا العواصيـف=بارضن خليـه ذيبهـا مـا حدانـي
والرابعـه جانـي غلاهـا مراديـف=شربـت مـن فنجالهـا الارجوانـي
دلة شرف مـا فوحوهـا الملاقيـف= ولا ساق لـي فنجالهـا مودمانـي
إبنتكم // نوض القصيد =

المصدر: الملتقى الجماهيري للشاعر محمد بن فطيس المري

الله الله كلام ابداع صح لسانك بس الشطر الي فيه برلنقو ياليتك تراجعيه لتنبيه او اني ماعرفت اقرى برلنقوا تمام ولك مني اجمل التحايا

صح لسانك يانوض

ابداع وماهو الا ارجوان شعري زاخر بجمال

رائحته وفوحه العذب ..



عذب التحايا

صح لسانك يّ نوض القصيد

قصيده جزله ..

ياااااااااااااااااااااااااسلام شاااااااااااعره متمكنه صراحه اهنيك والله وصح لسانك , وهذا بيت عن قصيده
ينوض نوض البرق في حلت الصيف *** ويركـز مثـل سهمـن ركـز بالمحـانـي

ان شاءالله انه اسم على مسمى

ونطمع في المزيد والجديد

واقول واصلي تصلي ..


ولاهنتي وسلمتي

الله الله يانوض القصيد ,,

ابيات متكامله وقدرت استثني منها بيت واحد ,,

حياك الله يانوض ,,

صح الله لساانك وصح قلبك وكلك ولاهنتي على هذى الابيات الشارده بمعانيها وجزالتها ,,

كل تقديري لك وخالص متابعتي .