من بـاعني ربي يسمح دروبه

من بـاعني ربي يسمح دروبه

السلام عليكم ورحمة الله وبركاتة

هاذي ابيات بسيطه وردها

واتمنى ان تعجبكم

من باعني ربي يسمح دروبه
لايفكر اني بلحقه .. جعله افداي

يّفارق بخيره ومعها عيوبه
وان كان هاقي رجعتي ماني بجاي

ياصاحبي نافل تراهم حكوا به
ولاني بقايل شي من طيب مبداي

دام الموده بينهم والعذوبه
مهوب مسعدهم ليا حل طرياي

يانافل المنعور لو عذربوبه
مالي مجال ارد من التقفاي

وادري مع الايام بيقول توبه
لكّن مابه فايده فالترجاي

رد علي ويقول

خل الردي يمشي مع كل جوبه
لاصار مشيه مايطابق لممشاي

واللي يبيعك جعله يبيع ثوبه
بيني وبينك ماهو بيبدي الراي

يميل نوبه ويتردى بنوبه
ويسبني لاسمع بأسمي وطرياي

ولا انت سيف(ن) يعجب اللي غزو به
لاصكت الدنيا علي ... صرت مركاي

حر(ن) ينومس ناقله لاقنصوبه
لاخلفت من ضني ولا اخلفت هقواي

ولا الردي ربي يسمح دروبه
لاهوب شف(ن) لي ولا يردع عواي

ماهمني لو سار مع كل جوبه
مدام مشيه مايطابق لممشاي

وسلامتكم

المصدر: الملتقى الجماهيري للشاعر محمد بن فطيس المري

ابدعت
صح لساااااااااااااااااااااااااااااااانك

رديه جميله جدا جدا جدا .. قرأتها وكانت خفيفه وثقيله في نفس الوقت .. خفيفه لدى القارئ وثقيله في نفس المقصود .. صح لسانك انت وخويك وبيض الله وجيهكم ..

صح الله ابدانكم والله لايهينكم
على المرور اللي شرفني واسعدني بنفس الوقت

صح الله لسانك ياضافر قصيده منك وافيه ورد وافي من نافل لاهنتوا وبيض وجيهكم

صح بدنك يامحمد
وانت وااافي طال عمرك
والله لايهينك ولا يصغرك على مرورك اللي شرفني

_

صحت آلسنتكم ,
قصائد عذبه من شعّآر جزلين . .

وعليكم السلام ورحمة الله وبركاته ,,

ارررحب ياظافر ترااحيب الغلا حيااك الله ,,

صح الله لساان عميلك وصح الله لسااانك قصائد عذبه ورائعه جدا ,,

كل تقديري وشكري لك ياجزل .

صح الله ابدانكم
والله لايهينكم ولايصغرككككم على المرور اللي شرفني

ظافر
صح الله السانك وعتلا شاانك ردية جميلة ولاهنتوا