عندي خبر ما يرخص الرجل كود بكاه

اقتباس المشاركة الأصلية كتبت بواسطة قايدة الريم _ ياشين والله تالية هالزمن شيناه ................. تدور السنين وغير الوقت ممشاها عز الله أنك صادق صصصح لسآنك , وصح كلك سعيد القحطآني أسم يجبرني على متابعته دومآ

ونعم ياقايدة الريم الله يجبر بخاطرك ياختي
ويرفع مقدارك عند ربك متعود منك الاشاده
الله يخلي لك من ترتجينه الف شكر وصح الله
بدنك ياشاعرتنا تحياتي لك وكلامك المهذب

اليمه يالقحطاني صح السانك قصيده في ذمتي انها كايفه وعلي الجرح ابدعت والنعم فيك وفي ربعك كفو *

انا من المعجباات بل من المتيمااات
بقصائدك لانها تاتي على الجرح دوووم

شاعر حفرت في اذهاااننا الوله والحنين للماضي
لله درك شاعر مبدع




حياتي جروح وكل جرحٍ لقيت دواه
......... يكون الجروح اللي علي يصعب دواها

انا لا بغيت اكذب على واقعي وانساه
...............جروح السنين الماضيه كيف بنساها

وانا يوم امر المفرق اللي يمر حماه
...... ................ الد النظر في لوحته واتعداها

اسلم على دارن لهل صاحبي مشهاه
....................تغربت منها واريش العين خلاها

وعندي خبر مايرخص الرجل كود بكاه
..................... على حاجة ولت ولاهوب وياها

الا ني ولد قومن لهم ذات وجه وجاه
........ ..........واداري على سمعة هلي وتداراها

وانا كل ماهب الهوى ومن جهة مرباه
.........................القي، بصدري يمها واتلقاها

ياليته رحل منها وانا شايفٍ جفواه
.................... ليا مرت الذكرى.تجاهلت ذكراها

لكن المصيبه يوم انا عارفن دعواه
...............وبقت سيرته بقصاء المعاليق ودناها

ياشين والله تالية هالزمن شيناه
................. تدور السنين وغير الوقت ممشاها

لكن اعتذاري منك ياناحل المثناه
............... ضروف القدر ماجت على ماتمناها

نسب الزمن واثر الزمن ماسكن مجراه
......................لكن الخلائق خُلفها من نواياها


كلها جميله

تقييييمي

لروحك العذبه شذى من عبير ورودي

[quote=بقايا طيف;312091]اليمه يالقحطاني صح السانك قصيده في ذمتي انها كايفه وعلي الجرح ابدعت والنعم فيك وفي ربعك كفو *[/بقاياطيف هلا وغلا الله يحييك
شرفني حضورك الله يسلمك الف شكر لك على
الكلام الطيب لاخلا والا عدم ولاعبي ربعك زود
وصح الله بدنك وكلكquote]

عاليه هلا وغلا والله يحيك ويمحق شانئك
شرفني حضورك وطرائيك الله يحفظك
دائماً وأبدا تعودت منك الاشاده بارك الله فيك
تحياتي وصادق ودي لك يا خت الكريمه

ابداع وحكمه تتجلا كعين الشمس
تغلفها وجدانيه أسهمت ببلاغه قليل من يدرك أبعادها
تحيتي / نوض القصيد

نوض القصيد ياهلا وغلا مشكوره على
الحضور والاطراء الجميل وافيه ياغاليه بيض الله وجهك
تحياتي وصادق ودي ولاهنتي

اليوم تثبت انك ماتعرف التغلي

وقبل ذلك اثبت انك شاعربمعنى الكلمه

صح لسانك مليون يبو قحط ,,ابدعك متواصل

اخي التهامي ارحب ملاييين الإبداع حضورك
جعلك تسلم الله يبارك فيك عاداتك العلم الطيب
تشجيعكم وغلاكم هو الدافع الاول والأخير
لي بتقديم الافضل الف شكر علئ المرور
والكلام الجزل تحياتي وصادق ودي لك ولاهنت

صح لسانك مبدع