ياشطون قلبي كان طير الهوى حام ,,

ياشطون قلبي كان طير الهوى حام ,,

بسم الله الرحمن الرحيم ,,

السلام عليكم ورحمة الله وبركااته ,,

اسعد الله صباحكم ومساكم بكل خير وكل سرور وسعادهـ ,,

نضع لكم ابيات متواضعه وعسى تنال اعجابكم وتحوز على رضاكم ولكم شكري وتقديري ,,

ياشطون قلبي كان طير الهوى حام=واطلق مسابيق الغرام الوثيقه
صدي عنه والمشي خليه درهام=وكل ٍ على ماقيل يتبع طريقه
ماتنجبر روح ٍ على روح لو دام=عشق العشيق الي يخون بعشيقه
الفرق واضح مثل هاليوم والعام=والنفس ماتقوى على ماتطيقه
صبرت مير الصبر لهل الهوى سام=يقتل عروق ٍ بالمحبه وريقه
اخذت اراعيها على كل الانغام=قبل الجفى والغدر يطلع بريقه
حسب الكرامه والوفاء بين الاكرام=الي يحفظون السلوم العريقه
اضيم من ضامه ولو كنت من ضام=اجهل من التشبيه وجهه الحقيقه
لين اتضح ضوحه مثل ضوح الاحلام=وماكان خافي فالظنون الغميقه
يلهم خيال الفكر للفكر لوهام=يخشى على الي في منامه يفيقه
اجي مكانه واخذ اعلوم الاعلام=وينزاح هم ٍ صار قلبي شقيقه
واليوم انا جيته على الموقع العام=ماجيت مشتاق ٍ وروحي غريقه
ولاجيت راجي فالمواصيل لزام=جيته على باب الوداع وطريقه
لعل يفهم ويش مفهوم الاعدام=الي على درب الطرايق طليقه
اخر مطاف العمر لو لام من لام=ماهوب همي والمشاعر رقيقه
سلهم على الذكرى بالارماش سلهام=وذكر عسل ماضيك واجمع رحيقه
واحذر دواليب الليالي والايام=الي مثلها بيننا كالحريقه
وياشطون قلبي خلي المشي درهام=دام العشيق اليوم خان بعشيقه

وسـلامة قلوبكم ونواظركم ,, خالد العبيريد .

المصدر: الملتقى الجماهيري للشاعر محمد بن فطيس المري

وعليكم السلام ورحمة الله

الله الله
صح السانك وتسلم يمينك على هالابدااع
مهما كتبتمن كلام لن توصل مدى رووعة الابيات
يعطيك العافية
وتستاهل التقييم +
وعساك عالقوه

اخوي خااالد بيض الله وجهك واسعدك ربي
دنياا واخره قصيده رائعه قراتهااا وسوف اعود
لقرائتهااا مرار قصيده جزله من راس جزل تحيااتي وتقديري
وتقييمي+++

هلا مرحبا يالريم حياك الله ,,

كل الروعه والتميز حضورك وجميل اطراءك بارك الله فيك ,,

خالص الشكر لك ودمتي على خير ورضا .

هلا ومرحبا شاعرتنا الغاليه مشاعر حياك الله ,,

صح الله بدنك وصح كلك ولاهنتي كل التميز والجزاله مرورك الكريم لاحرمنا منك ,,

خالص تحياتي وتقديري لك .

ياهلا ومرحبا يامروض القيفان
صح لسانك وكلك يالعتيبي
شاعر جزل ومبدع الله لايضرك

صح السانك ياخالد
مبدع كما عودتنا
لك ودي وتقديري

صح الله لسانك يبن عبيريد الإبداع
شمس لا تغيب عن سماك بيض الله وجهك
تحياتي وصادق ودي يبو سهيل كل عام وانت بخير

صح لسانك قصيده رائعه فيها حس المخاطبه لشخصاً ..ما..




تقبل مروري .وتقديري لك..

وعليك السلام ورحمة الله وبركاته
ياحيا الله ابو سهيل تحيات المطر والسيل من عندنا لاعندهم
والحمد لله على السلامه يبو سهيل والله انك ترحب طوال ياطويل العمر
واما عن القصيده فصح الله لسانك ولافض فوك ياخالد شاعر لايختلف عليك اثنين
سلملي على قلبك