صبايا اتمنى تساعدوني

صبايا اتمنى تساعدوني

السلام عليكم ورحمة الله وبركاته

اسعد الله ايامكم بكل خير


انا عندي مشكله اتمنى بجد تساعدوني

مين تعرف حل للارق صار لي اسبوعين ماانوم عدل

انوم بالليل ساعه ساعتين الاسبوع الاول وطول النهار صاحيه

وهالاسبوع وربي نومي اقل من ساعه واذا صحيت مستحيل ارجع انوم

ايش الحل البنات خوفوني يقولون كذا مو زين يسبب ضغط على العروق اللي براسي

صبايا بلز ابغا حل للارق هذا واي وحده فيكم صار معها نفسي ياليت تقولي

المصدر: الملتقى الجماهيري للشاعر محمد بن فطيس المري

بنت برقاااا الله يهديك وينور دربك
اعتقد هاذ يسبب ارق وتجلاطاات بالمخ وتعب بالجسم
وغيره اسئلي مجرب عاد اسمعو من يدحدث هههه

اسمعي بقولك شي اليوم لا تناامين بالليل واصلي
لين بعد السحور وبعدهاااا روحي مكااان هادي وباارد
وحطي راسك شرط ليجيك نوم الا في حااال وحد انك ؟؟؟؟؟
وهااذي حله صعبه مالقينالهااا حل للحين

هلابك بنت برقا تبين العلاج ابشري
مجرب ميه في الميه انا جربته بنفسي
وعشت الحاله مثلك انام ساعه واصحى كني نمت كثير حاله تصيب الانسان
وربما الأرق يأتي من حاجه معينه مثل شرب المنبهات كثير
الجلوس على النت ساعات طويله بالليل
روحي عطارة المرواني او روح الطبيعه اذا كنتي بالرياض
وخذي شجرة القدسين
ررروعه صدق من عجائب الخالق
خذي ملعقه على مويه مغليه
قسميها الى ثلاث جرعات خلال اليوم
صبح عشيه قبل تنامي
بعد يومين راح تجدين نفسك بديتي ترجعين لنومك الطبيعي
اهم حاجه ماتفكري كيف ياتيك النوم
ولاتفكري كثير
انا ادرس الاعشاب لي سنه اقرأ مجلدات
وسبحان الله مافيه داء ماخلق الله له دواء ومن الطبيعه

ماتشوفين شر
لروحك العذبه شذى ورودي

وبعد ماتستمري اسبوع على العشبه
خليها واشربي شاهي اعشاب
مثل البابونج المليسا.النعناع.وفيه كثير تجلب لك النوم مثل الخزامي روعه
جربي وصفتي بعدين قولي ليه

ههههههههاي

لا والله يامشاعر اخاف يصير فيني شي

ماانسى اخر مره لما ضحكتي علي يجيلك يوم

معقوله عاليه تبغين اشرب كل هذا

اخاف يجيني تسمم منها لايمه الاعشاب شكلها تخوف

تسلمين علو على هالنصيحه الجميله لاكن وربي انا جبانه اخاف من الاعشاب

اجل يابنت برقا لاتسألين عن العلاج
الطبيعه فيها النافع والضار
والأعشاب
اجمل من الحبوب والعلاجات الكيميائيه
انا مجربتها بروحي
اجل لاعاد تطلبي المساعده هههههههههههه
دامك ماتثقين بمن يعطيك النصح من خلال تجربه شخصيه
ههههههههههههه

بنت برقا . مرحبا
ماشاء الله ماقصرو البنات
كلامهم مجرب وانا بس بوكده لك
حصلت معاي لدرجه اني كرهت كل شي
وكلها من شرب الشاهي والقهوه
عندك اللي ماتخليك تنامي شاهي قهوه او اي شي حالي قريب النوم السكريات تصحصحك
المهم مااقولك اتريكيها لكن خففي منهاااا
واخلطي المليسا مع البردقوش
هذي لو سويتها بتدعين لي
سويه نفس طريقه الشاهي وخليه مغطى لمدة عشر دقايق او ربع ساعه
طبعا اي عشبة تسويها خليها بدون سكر وغطيها عشر دقايق

ولاتنسين الاستغفار وربي تنامي كانك مخدره راحه نفسيه وبدنيه

هذي كانت طريقة معالجتي لنفسي
والحمدلله راح كل شي

الله يوفقك ويفرج كربتك يارب

انا اخاف منها وربي

بنت عمت امي ماتت بسببها وصرت اخافها

راح اجرب شجرة القدسين

والله يستر من هالاشياء >> يارب استودعتك نفسي ^_^

يمه ياريما ايش هذا كمان اعشاب

لا كذا اكيد راح اتسمم من كل هذي اول اجرب حقت عاليه ويارب تفيد

لاكن انا من بدايه رمضان ماشربت لا شاي ولا قهوه كله ماي وعصير صح كليت حلويات

بس مااتوقع تسبب الارق