عباس ابن فرناس

عباس ابن فرناس

الا يا الله ثبتنا على التكبير والتهليل
واظنه قد رجع في ذا الزمن عباس ابن فرناس

يظن انه بيقلع فالسما ويقبل الارجيل
بعد ما دار دوره في مجاله مالقى مجلاس

وعزم يلفت انظار العرب بدعاية التنطيل
ولاكن دون لا يسحب جلنط بساحة الكراس

بعد ما صور الصوره نسا لا يدخل التعديل
وخلا فكره الطايش على راس العلم محتاس

وانا ما جيت ابا ادور من الشعار لي توكيل
ما دام اني على راس المشاعر للشعر نبراس

انا المتنبي الاول وانا المتلمس لما قيل
وانا متأبط الشر وفرزدق قوم ما تنداس

وانا شاعر بني يعرب وانا صناجة التشكيل
وديك الجن ناصروالخبر ما عارضه جساس

ما دام ان القلم في محبرتنا حرك التفعيل
تردا كل مستشعر وشاعر ثم لفاه اركاس

ترا ما ينفع التهويل والتبجيل والتطبيل
ودكام الذرا ماهو يذرا ايها النخاس

رفعنا في صروح الشعر هامه ما حجبها الليل
وسيلنا مداد المحبره في داخل القرطاس

قطعنا البث والارسال والتقديم والتسجيل
وياما في عيون اهل الغوا ذريته البسباس

عطيت الموجز اللي في ضميري وان طلب تحليل
زرعت مراية الواقع على راس الهرم والكاس

المصدر: الملتقى الجماهيري للشاعر محمد بن فطيس المري

وانا ما جيت ابا ادور من الشعار لي توكيل
ما دام اني على راس المشاعر للشعر نبراس


ماشاء الله .. من عرفناك وانت شآعر ومافيك حيله ..

بس أظن وع حسب فهمي المتوآضع ان القصيده له مغزي ..

اقول آظن ..

صح لسآنك ..

اقتباس المشاركة الأصلية كتبت بواسطة رمق وانا ما جيت ابا ادور من الشعار لي توكيل ما دام اني على راس المشاعر للشعر نبراس ماشاء الله .. من عرفناك وانت شآعر ومافيك حيله .. بس أظن وع حسب فهمي المتوآضع ان القصيده له مغزي .. اقول آظن .. صح لسآنك ..

الاخت العزيزه رمق

تسلمين اول شي على المرور

ويعطيك العافيه على الاقتباس وان بعض الظن اثم يا بنت الناس ههههههههههه

اقصد ظنك في مكانه واخيرا صح بدنش تقبلي تحياتي وخالص تقديري

..


وانا شاعر بني يعرب وانا صناجة التشكيل
وديك الجن ناصروالخبر ما عارضه جساس

/


صح اللهـ لسآنك يَ أبو حسين .. شآع ـر كفو

تح ـيآتي لك ,,

؛

بعد ما صور الصوره نسا لا يدخل التعديل
وخلا فكره الطايش على راس العلم محتاس

هههههههههه حياك الله ياناصر ,,

البيت هذى وده للراوي محمد بن مقطان اليامي من اهل نجران يبي يعلمك ليه فكر عباس بن فرناس طايش ,,

صح الله لساانك وصح قلبك وكلك قصيده معبره عن مشاعرك ووافيه لا ابعد الحدود ,,

كل تقديري وشكري لك ياشاعرنا المبدع .

اررررررررررررررررحب يا ابو سالم وحياك الله

وصح بدنك ولا هنت على المرور وما عليك زود

تقبل تحياتي وخالص تقديري

خالد العبيريد اول مره اسمع بهذا الراوي

ولا هنت على المرور وصح بدنك وتسلم على الاطراء

تقبل تحياتي وخالص تقديري

صح لسسسسانك يابو حسسسين شاعر جميل وملك الجزاله
الله يعطيك العافيه ولا يهينك على هالجمال الطيب

هوى الغربي صح بدنك وتسلم على المرور والاطراء
تقبل تحياتي وتقديري