بين علينا يا سهيُ خللها

بين علينا يا سهيُ خللها

ناصر ترا يا سهيل ما هو بمجهول
كل البلاوي في طريقه اكلها

يحسب كبير القوم فالجوع معمول
ويقرب الدله ويدحر كسلها

لكن اظن عيونك الناعسه حول
بين علينا يا سهيُل خللها

ترمي حصاك بشامخ الطوط مخذول
وياي روحك زايده من عللها

با اسايرك ما دام الابداع بالقول
حتى تشوف الناس من هو فحلها

الطيب ما احلى الطيب والقول معسول
لا تعقد الغونه وعندي حللها

يا حر طاروحك على الخرب منقول
والقوه اللي فيك بيدي محلها

ولسانك اللي عاد بالرد مفلول
ثلمه على صم الصفاه ان جهلها

والرايه اللي من على العارض تجول
ذي رايتي خضرا وكفي حملها

لكن خوفي يطلع الحر معلول
ويكون والبومه سوا في عملها

والا نصاب السيف ياتيه منصول
والنفس تبكي من نتايج خملها

لا حول يا روس الرجاجيل لا حول
صيحو على الخبلان تمشي مهلها

ما هو معين في شبا السيف محصول
الا رقاب رجال تشكي جدلها

واللي غدا صدره من الغل مسدول
نفسه تهينه يوم ينعى وجلها

المصدر: الملتقى الجماهيري للشاعر محمد بن فطيس المري

صح لسانك و القافيه على(بلها)
يعني اربعة احرف وليست على(لها)

و الظاهر اني فحلها يا ناصر

هههههههههههههههه ابشر بالخير

مسكين ياللي تالي الوقت مشخول
طبله على الميدان من جا طبلها

بين السما والقاع والحس مفصول
حتى تبين من يميني خبلها

ولسان ساطي بس ما يحكم القول
مثل الفتاه اللي تنقل دبلها

ما هو بمتعود لما بين ينول
ودموع عينه تو عيني سبلها

سلطة يميني ضيمها صار مشمول
وحبالها نفس النشاما كبلها

المشكله بسهيل وسهيل منكول
العين حولا والمعاليق بلها

يبغى يجاريني وانا راس ابو الهول
في كفي اليمنى تعجن ربلها

النقل لجل سهيل يا ناس منقول
بين الشعابه سمرها وبعبلها

كبشٍ عدينا به غدا اليوم محلول
عزومتي للناس كلا قبلها

يوم ان سيفه في يدي صار مختول
غيمة محاجر عين شخصه وبلها

تحتج وتنادي ولاني بمشغول
جبنا على الها وجبنا ابلها

والان من فحلها يا سهيل

هههههههههههههههههه

انت ملتزم بالاربعه فقط وانا ملتزم بحركة الباء هههههههههههههههههه
يعني انا زدت عليك هههههههههههههه يا مسكين رح بعيد صدقني تناطح جبل ولاني قايلها غيري يقولها هههههههههههههه تحياتي لك يا مسكين

هههههههههههه
اسين عليك عادك في الدائرة المغلقة
يا حبيّب

لاهنت ياناصر على السبك الجززل صح الله لسانك

عبد الله المتعب

ولا تهون على الرد والاطراء تقبل تحياتي وخالص تقديري

صح الله لسانك ياناصر .. ماتعجزك القوافي ماشاء الله عليك .. وكلكم فحول شعر انت وسهيل ..
تحياتي للجميع

صح الله لساانكم ولاهنتم شعراء جزلين والشك زايل ,,

تقديري وتحياتي لكم .